*एम.के.डी.स्कूलच्या दोन विद्यार्थ्यांची शालेय विभागस्तरीय कराटे स्पर्धेसाठी निवड*
नंदुरबार(प्रतिनिधी):-एम.के.डी. इंग्लिश मीडियम स्कूल (CBSE), नंदुरबार येथील अंडर 17 गटातील दुर्वांशू गिरासे आणि भावेश शेवाळे या दोन विद्यार्थ्यांची जळगाव येथे होणाऱ्या शालेय विभागस्तरीय कराटे स्पर्धेसाठी निवड झाली आहे.
या विद्यार्थ्यांना कराटे प्रशिक्षक जगदीश जाधव यांचे मार्गदर्शन लाभले, तर नंदलाल पाटील यांनी सहकार्य केले. विद्यार्थ्यांच्या या यशाबद्दल शाळेचे सेक्रेटरी शुभम दराडे आणि प्राचार्य जिनेश के. यू. यांनी दोन्ही विद्यार्थ्यांचे अभिनंदन करून पुढील स्पर्धेसाठी शुभेच्छा दिल्या.
या निवडीमुळे शाळेच्या क्रीडा क्षेत्रात आनंदाचे वातावरण असून, दोन्ही विद्यार्थी शालेय विभागस्तरीय स्पर्धेत उत्कृष्ट कामगिरी करतील, असा विश्वास व्यक्त करण्यात आला.