*निसर्ग देवता वनऔषधी शेतकरी उत्पादक कंपनी"चे उद्घाटन*
नंदुरबार(प्रतिनिधी):-जिल्ह्यातील सातपुड्याच्या आदिवासी भागात रोजगाराच्या नवीन संधी निर्माण करण्याच्या उद्देशाने धडगांव तालुक्यातील कालीबेल या गावात " निसर्ग देवता वनऔषधी शेतकरी उत्पादक कंपनीच्या " कार्यालयाचे उद्घाटन करण्यात आले. वैद्यकीय शिक्षण घेतलेल्या डॉ.श्रावण वळवी व डॉ. प्रताप पाडवी यांच्या पुढाकाराने ही कंपनी स्थापन करण्यात आली आहे. कालीबेल या गावात व परिसरातील गावांमध्ये मोठ्या प्रमाणावर सफेद मुसळी, अश्वगंधा, शतावरी यासह विविध वनौषधींचे उत्पादन घेतले जाते. स्थानिक शेतकरी, महिला व युवकांना रोजगार उपलब्ध करून देणे आणि वनौषधींवर आधारित उत्पादनांना बाजारपेठ मिळवून देणे हा कंपनीचा उद्देश आहे. वनौषधींपासुन औषध निर्मितीसाठी संशोधन सुरू असल्याची माहिती संचालक यांनी माहिती दिली. या कार्यक्रमाला प्रमुख अतिथी सुरतचे उद्योजक तरूणभाई पटेल, कृषी विज्ञान केंद्राचे वरिष्ठ शास्त्रज्ञ राजेंद्र दहातोंडे, आत्मा कृषी विभागाचे प्रकल्प संचालक दिपक पटेल,  मशरूम शेती व्यावसायिक मार्गदर्शक व कालो कुणबी सेवाभावी संस्थेचे अध्यक्ष राजेंद्र वसावे आणि लिला वसावे, भगर शेतकरी उत्पादक कंपनीचे संचालक रामसिंग वळवी, सेवानिवृत्त आयुक्त अरविंद वळवी, सुर्यदर्शन उत्पादक कंपनीचे संचालक व सरपंच संदिप वळवी, डाबचे धिरसिंग वळवी, अँड.अभिजित वसावे, डॉ.संजय पावरा, कनवर वळवी यांनी मनोगत व्यक्त केले व डिएससी संस्थेचे अधिकारी आसिफ शेख
यांनी बियाणे वाटप केले. या कार्यक्रमाची प्रस्तावना 'आमु आखा एक से ' कंपनीचे संचालक लालसिंग वळवी यांनी आभार मानले. यावेळी पंचायत समिती सदस्य दिलीप वळवी, संदिप पाडवी, लक्ष्मण पाडवी, दशरथ वसावे, विरसिंग पावरा, शशिकांत वळवी,  कुवरसिंग पराडके, बारक्या पटले, खुमानसिंग वसावे, विश्वास पाडवी, गुलाबसिंग पाडवी, यासह परिसरातील शेतकरी, महिला व युवक मोठ्या संख्येने उपस्थित होते.