*एकलव्य विद्यालयात डॉ. अब्दुल कलाम यांची जयंती वाचन प्रेरणा दिन म्हणून साजरी*
नंदुरबार(प्रतिनिधी):-एकलव्य विद्यालयात डॉ. अब्दुल कलाम यांची जयंती वाचन प्रेरणा दिन म्हणून साजरी
भारताचे पूर्व राष्ट्रपती भारतरत्न डॉ.ए.पी.जे अब्दुल कलाम यांची जयंती एकलव्य विद्यालयात वाचन प्रेरणा दिन म्हणून साजरी करण्यात आली.उपस्थित मान्यवरांच्या हस्ते डॉ.कलाम यांच्या प्रतिमेला माल्यार्पण व अभिवादन करून कार्यक्रमाची सुरुवात झाली.कार्यक्रमाचे प्रमुख वक्ते उपशिक्षक गौरीशंकर धुमाळ यांनी डॉ.कलाम यांचे बालपण, त्यांची ग्रंथसंपदा व वैज्ञानिक क्षेत्रातील त्यांचे योगदान याविषयी सविस्तर माहिती दिली.शालेय व महाविद्यालयीन विद्यार्थ्यांसाठी कलाम यांनी केलेले महत्वपूर्ण उद्बोधन व प्रेरक व्याख्याने यांचा धावता आढावा धुमाळ यांनी घेतला. माणसाकडे येणारी प्रगल्भता, त्याचा सद्सदविवेक आणि जीवन जगण्याची समृद्धता यासाठी वाचन किती आवश्यक व हितकारक आहे याची माहिती अनेक उदाहरणांसह त्यांनी विद्यार्थ्यांना दिली. या कार्यक्रमाच्या प्रसंगी विद्यालयाचे मुख्याध्यापक धर्मेंद्र मराठे, पर्यवेक्षक टीका पाडवी, ज्येष्ठ शिक्षक वसंत वसईकर, मिलिंद वडनगरे, सुनील पाटील, अजित लांडगे, श्रीमती विजया न्हायदे, संतोष पाटील आदी व्यासपीठावर उपस्थित होते. किरण डेहेणकर यांनी कार्यक्रमाचे सूत्रसंचालन केले तर अजित लांडगे यांनी उपस्थितांचे आभार मानले.