*के.आर.पब्लिक स्कूलच्या विद्यार्थ्यांची तालुकास्तरीय योगासन स्पर्धेत मोठी कामगिरी*
नंदुरबार(प्रतिनिधी):-महाराष्ट्र शासनाच्या क्रीडा व युवक सेवा संचालनालय, पुणे यांच्या अंतर्गत जिल्हा क्रीडा अधिकारी कार्यालय, नंदुरबार यांच्या वतीने आयोजित तालुकास्तरीय शालेय योगासन स्पर्धेत श्री स्वामी समर्थ विद्यानिकेतन संचलित कन्हैयालाल रावजीभाई पब्लिक स्कूल, नंदुरबारच्या विद्यार्थ्यांनी उत्कृष्ट कामगिरी करत जिल्हास्तरीय स्पर्धेसाठी पात्रता मिळवली. स्पर्धेच्या उदघाटन प्रसंगी संस्थेचे उपाध्यक्ष सिद्धार्थ वाणी, प्राचार्या डॉ. छाया शर्मा, प्रा. सुनील पाटील, प्रा. शांताराम मंडाले, योगेश बेदरकर, निशांक दिवाकर आदी मान्यवर उपस्थित होते. स्पर्धेचे यशस्वी आयोजन करण्यात आले. रेफ्रि म्हणून सौ. ब्राम्हणे व मृणाली कुंवर होत्या.
या स्पर्धेत अंडर 14, अंडर 17 व अंडर 19 गटातील विद्यार्थी विद्यार्थिनींनी उल्लेखनीय यश संपादन केले. उत्कृष्ट कामगिरी करून जिल्हास्तरीय स्पर्धेसाठी पात्र ठरलेले विद्यार्थी
मुले कुर्वेश पाटील, नक्श पाडवी, संकेत पाटील, ऋषभ अग्रवाल, दुर्गेश पाटील, शौर्य पाडवी, सार्थक सोनार, हनविक हुरेज आणि दक्ष निकवाडे. मुली
कल्याणी तडवी, प्रतिमा वसावे आणि मोक्षा लोढा. या
विद्यार्थ्यांच्या  यशाबद्दल संस्थेचे अध्यक्ष किशोर वाणी यांनी सर्व खेळाडूंचे अभिनंदन करून जिल्हास्तरीय स्पर्धेसाठी शुभेच्छा दिल्या. तसेच प्राचार्या डॉ. छाया शर्मा यांनी विद्यार्थ्यांच्या मेहनतीचे कौतुक करत शिक्षक व प्रशिक्षकांचेही अभिनंदन केले.