*कारवली गाव महात्मा गांधी तंटामुक्ती अध्यक्षपदी गणेश वरेकर यांची निवड*
राजापूर(प्रतिनिधी):-तालुक्यातील कारवली गावच्या महात्मा गांधी तंटामुक्ती समितीच्या अध्यक्षपदी गणेश कृष्णा वरेकर यांची सर्वानुमते निवड करण्यात आली. कारवली गावची ग्रामसभा 29 रोजी सप्टेंबर आयोजित करण्यात आली होती. या सभेच्या अध्यक्ष स्थानी नवनियुक्त प्रशासक विश्वनाथ डवरी  हे होते, त्यांच्या अध्यक्षतेखाली सभेच्या कामकाजास सुरुवात करण्यात आली विद्यमान ग्रामपंचायत अधिकारी संतोष चव्हाण यावेळी उपस्थित होते मात्र, ग्रामसेवक संघटनेच्या असहकार धोरणामुळे त्यांनी प्रत्यक्ष सभा कामकाजांत सहभाग घेतला नाही, या बैठकीच्या वेळी कारवली प्राथमिक शाळेचे मुख्याध्यापक नथुराम बांबरकर यांनी वरिष्ठाच्या आदेशानुसार सचिव म्हणून सभेच्या कामकाजात सहभाग घेतला. या सभेमध्ये 15 व्या. वित्त आयोगातील विकास कामाचा आराखडा वाचन व आढावा घेण्यात आला. कारवली गावच्या तंटामुक्ती अध्यक्षपदी गणेश कृष्णा वरेकर यांचे नाव नारायण पांचाळ यांनी सुचविले त्यास सौ स्मिता उदय साळवी यांनी पाठींबा दर्शवीला. गणेश वरेकर हे या पदावर पूर्वीही कार्यरत होते, सामाजिक कार्यात ते सदैव पुढे असतात, लोकांना वेळेवर उपलब्ध होणे, मदत करणे, सहकार्य करणे या गुणामुळे गणेश वरेकर गावात लोकप्रिय आहेत, त्यांची निवड बिनविरोध झाली असून या निवडीबद्धल गावातून त्यांचे अभिनंदन होत आहे. या सभेला कारवली केंद्र प्रमुख कृष्णा ग. पाटील हे उपस्थित होते.