*सेवा संकल्प अभियानांतर्गत आश्रमशाळांमध्ये ॲनिमिया व सिकलसेल तपासणी*
नंदुरबार(प्रतिनिधी):-सेवा संकल्प अभियानांतर्गत एकात्मिक आदिवासी विकास प्रकल्प, तळोदा कार्यालयाच्या वतीने 17 सप्टेंबर ते 17 ऑक्टोबर 2026 या कालावधीत विविध उपक्रम राबविण्यात येत आहेत. या अभियानाची सुरुवात 17 सप्टेंबरपासून झाली असून, 28 सप्टेंबर रोजी एकात्मिक आदिवासी विकास प्रकल्प, तळोदा अंतर्गत कार्यक्षेत्रातील शासकीय आश्रमशाळा, अनुदानित आश्रमशाळा तसेच वसतिगृहांमध्ये आरोग्य विभागामार्फत ॲनिमिया व सिकलसेल आजाराबाबत जनजागृती करण्यात आली. यावेळी विद्यार्थ्यांना या आजारांची कारणे, लक्षणे व प्रतिबंधात्मक उपाययोजनांची माहिती देण्यात आली. तसेच विद्यार्थ्यांची आरोग्य तपासणीही करण्यात आली. असे एकात्मिक आदिवासी विकास प्रकल्प, तळोदा येथील सहायक प्रकल्प अधिकारी यांनी एका प्रसिद्धी पत्रकान्वये कळविले  आहे.