*के.आर.पब्लिक स्कूलच्या विद्यार्थ्यांची राज्यस्तरीय रोल बॉल स्पर्धेत उल्लेखनीय कामगिरी*
नंदुरबार(प्रतिनिधी):-कोल्हापूर येथील आदर्श गुरुकुल विद्यालयात आयोजित करण्यात आलेल्या 20 व्या ज्युनिअर राज्यस्तरीय रोल बॉल स्पर्धेत नंदुरबार येथील कन्हैयालाल रावजीभाई पब्लिक स्कूलच्या विद्यार्थ्यांनी उल्लेखनीय यश संपादन केले.
या स्पर्धेत विद्यालयाचे विद्यार्थी अर्जुन सागर शाह आणि हंशिका सूर्यवंशी यांनी उत्कृष्ट खेळाचे प्रदर्शन करत संघाच्या यशात मोलाचा वाटा उचलला. उपांत्य फेरीत नंदुरबार संघाने अकोला संघाचा 5-4 असा पराभव करून अंतिम फेरीत प्रवेश मिळविला. या सामन्यात अर्जुन सागर शाह याने निर्णायक गोल करत संघाला विजय मिळवून दिला रौप्यपदक (सिल्व्हर मेडल) प्राप्त केले.
स्पर्धेत उत्कृष्ट कामगिरीच्या जोरावर विद्यार्थिनी  (मुलींच्या गटात ) हंशिका सूर्यवंशी हिने रौप्यपदक (सिल्व्हर मेडल) प्राप्त केले. विद्यार्थ्यांच्या या यशामुळे विद्यालयासह संपूर्ण जिल्ह्याचे नाव उज्ज्वल झाले आहे. विद्यार्थ्यांच्या या उल्लेखनीय यशाबद्दल संस्थेचे चेअरमन किशोर वाणी, संस्थेचे उपाध्यक्ष        सिद्धार्थ वाणी  तसेच संचालक अशोक शाह यांनी विद्यार्थ्यांचे अभिनंदन करून त्यांचे कौतुक केले. विद्यालयाच्या प्राचार्या डॉ. छाया शर्मा यांनी विद्यार्थ्यांना पुढील वाटचालीसाठी शुभेच्छा दिल्या. तसेच प्रशिक्षक निशांक दिवाकर, योगेश बेदरकर, रोहित महाले,  शिक्षक, शिक्षकेतर कर्मचारी, पालकवर्ग आणि विद्यार्थ्यांनी यशस्वी खेळाडूंवर अभिनंदनाचा वर्षाव केला.