*एकलव्य विद्यालय नंदुरबार येथे ओझोन दिवस साजरा*
नंदुरबार(प्रतिनिधी):-एकलव्य विद्यालय नंदुरबार येथे ओझोन दिवस मान्यवरांच्या उपस्थित उत्साहात साजरा करण्यात आला. कार्यक्रमाच्या अध्यक्षस्थानी विद्यालयाचे मुख्याध्यापक धर्मेंद्र मराठे होते. कार्यक्रमाला प्रमुख अतिथी म्हणून रोहन नटावदकर यांची उपस्थिती लाभली.
तसेच शाळेचे पर्यवेक्षक टिका पाडवी ज्येष्ठ शिक्षक वसंत वसईकर संस्थेचे विज्ञान विभाग प्रमुख मिलिंद वडनगरे, प्रकाश चौधरी, विद्यालयाचे विज्ञान विभाग प्रमुख राहुल भावसार आणि सर्व विज्ञान शिक्षक मंचावर उपस्थित होते.
कार्यक्रमाचे सूत्रसंचालन राकेश बागुल यांनी केले. कार्यक्रमाच्या प्रमुख वक्त्या सौ. किरण रघुवंशी यांनी ओझोन थराचे महत्त्व मांडले तसेच ओझोन वायूचे मनुष्य, प्राणी आणि वातावरण यांवर होणारे परिणामाबद्दल मार्गदर्शन केले.
कुमारी प्रांजल पाटील व दिशा ब्राह्मणे यांनीही ओझोन दिवसाबद्दल आपले मनोगत व्यक्त केले. यावेळी विद्यार्थ्यांसाठी पोस्टर प्रदर्शन स्पर्धा घेण्यात आली.
कार्यक्रमाचे आभार सौ जयश्री खैरनार यांनी व्यक्त केले.