*गणित संबोध परीक्षेत एस.ए.मिशन हायस्कूलच्या विद्यार्थ्यांचे घवघवीत यश,70 विद्यार्थी उत्तीर्ण*
नंदुरबार(प्रतिनिधी):-महाराष्ट्र गणित अध्यापक मंडळातर्फे 1 सप्टेंबर रोजी आयोजित करण्यात आलेल्या 'गणित संबोध परीक्षा 2026-27' मध्ये स्थानिक एस. ए. मिशन हायस्कूल व कनिष्ठ महाविद्यालयाच्या विद्यार्थ्यांनी उत्कृष्ट कामगिरी करत सुयश संपादन केले आहे. या परीक्षेत शाळेतील तब्बल 61 विद्यार्थी उत्तीर्ण झाले आहेत.
इयत्ता पाचवीच्या गटभरातून 40 विद्यार्थी उत्तीर्ण झाले असून त्यापैकी 6 विद्यार्थ्यांनी विशेष प्राविण्य मिळवले आहे. यात अर्णव जगदीश निकम, वेदिका कमलसिंग वळवी, शिवन्या रवींद्र पाडवी, आर्या कपिल गांगुर्डे, मिताली किरण पाटील व प्रिन्स रवींद्र गावित यांचा समावेश आहे. तसेच इयत्ता आठवीच्या गटातील 30 विद्यार्थी उत्तीर्ण झाले असून, 5 विद्यार्थ्यांनी विशेष प्राविण्यासह यश मिळवले आहे. यामध्ये कौशल वीरपाल राजपूत, महेश्वरी बिज्या वसावे, शिवम राजेंद्र पाडवी, रचित संदीप जावरे आणि जानवी रवींद्र मिस्त्री यांनी विशेष प्राविण्य प्राप्त केले.
विद्यार्थ्यांच्या या यशासोबतच गणिताची आवड निर्माण करण्यासाठी केलेल्या विशेष प्रयत्नांची दखल घेत गणित अध्यापक मंडळातर्फे शाळेच्या शिक्षिका तृषीता सुतार व पुष्पा निकम यांना उपक्रमशील शिक्षक' प्रमाणपत्र देऊन सन्मानित करण्यात आले.
या परीक्षेसाठी सहभागी विद्यार्थ्यांना शिक्षिका प्रतिभा गोसावी व स्वप्निल पाटील यांचे मोलाचे मार्गदर्शन लाभले. यशस्वी विद्यार्थी व मार्गदर्शक शिक्षकांचे शाळेच्या प्राचार्य नूतनवर्षा वळवी यांनी विशेष कौतुक केले व विद्यार्थ्यांना पुढील स्पर्धा परीक्षांसाठी शुभेच्छा दिल्या. या यशाबद्दल सर्व स्तरातून विद्यार्थ्यांचे व शाळेचे अभिनंदन होत आहे.