*बामखेडामहाविद्यालयात विद्यार्थ्यांनाअर्थसहाय्य वाटप*
शहादा(प्रतिनिधी):-बामखेडा महाविद्यालयात विद्यार्थ्यांना अर्थसहाय्य वाटप ग्रामविकास संस्थेच्या कला व विज्ञान महाविद्यालयात  आर्थिक दृष्ट्या दुर्बल घटक अशा विद्यार्थ्यांना कवयित्री बहिणाबाई चौधरी उत्तर महाराष्ट्र विद्यापीठातील विद्यार्थी विकास विभागातर्फे 15000 रुपये मंजूर करण्यात आले होते. त्यात कु कोळी दिव्या काशिनाथ आणि सोनवणे प्रियंका प्रकाश या दोघी विद्यार्थ्यांना वडील मयत झाल्यामुळे सहा सहा हजार रुपयांचे व मौला पटेल सादिक या विद्यार्थ्यास तीन हजार रुपयांचे  धनादेशाचे वाटप ग्रामविकास संस्थेचे नूतन अध्यक्ष डॉ.मोहन पटेल यांच्या शुभहस्ते विद्यार्थ्यांना देण्यात आले. याप्रसंगी महाविद्यालयाचे प्राचार्य डॉ. एच. एम. पाटील विद्यार्थी विकास प्रमुख डॉ. सी. एस. करंके, पीएम उषा योजनेचे समन्वयक डॉ. वाय. आर. पाटील कार्यालयीन  अधीक्षक आर.बी. चौधरी आदींच्या उपस्थितीत विद्यार्थ्यांना धनादेशाचे वाटप करण्यात आले. याप्रसंगी विद्यार्थ्यांच्या चेहऱ्यावर समाधान दिसुन आले. या प्रसंगी सदर पैशांचा  सदुपयोग करा असा संदेश डॉ. मोहन पटेल यांनी विद्यार्थ्यांना दिला.