*तळोदा येथील 2 घरफोडीच्या गुन्ह्यांची उकल,91 हजार 462 रुपये किमतीचा मुद्देमाल हस्तगत,स्थानिक गुन्हे शाखेची कामगिरी*
नंदुरबार(प्रतिनिधी):-नंदुरबार जिल्ह्याच्या पोलीस अधीक्षक श्रीमती अश्विनी सानप यांनी मासिक गुन्हे आढावा बैठक घेतली असता, मागील काही दिवसांमध्ये मालमत्तेविरुद्ध्या गुन्ह्यांमध्ये वाढ झाल्याचे निदर्शनास आल्यानंतर, नंदुरबार जिल्ह्याच्या पोलीस अधीक्षक श्रीमती अश्विनी सानप यांनी स्थानिक गुन्हे शाखेचे पोलीस निरीक्षक हेमंत पाटील व सर्व पोलीस ठाणे प्रभारी अधिकारी यांना अज्ञात चोरट्यांचा शोध घेवून, त्यांना जेरबंद करुन मालमत्तेविरुच्या घटनांना प्रतिबंध करणे व गुन्ह्यातील चोरीस गेलेला मुद्देमाल हस्तगत करणेबाबत सूचना दिल्या होत्या, तळोदा पोलीस ठाणे अभिलेखावरील ना उघड गुन्ह्यांचा स्थानिक गुन्हे शाखेमार्फत समांतर तपास सुरु असतांना दिनांक 20 ऑगस्ट 2026 रोजी स्थानिक गुन्हे शाखेचे पोलीस निरीक्षक हेमंत पाटील यांना गुप्त बातमीदारामार्फत बातमी मिळाली की, 3 ते 4 दिवसापूर्वी तळोदा शहरातील हरकलाल नगर येथे झालेली चोरी ही तळोदा शहरातील रामगड परीसरात राहणारे, 2 ते 3 मुलांनी केलेली आहे, अशी खात्रीशिर बातमी मिळाल्याने स्थानिक गुन्हे शाखेचे पोलीस निरीक्षक श्री. हेमंत पाटील यांनी सदरची माहिती पथकाला कळवून पुढील योग्य ती कायदेशीर कारवाई करणेबाबत आदेशीत केले.
त्याप्रमाणे स्थानिक गुन्हे शाखेच्या पथकाने तळोदा शहरातील रामगड परीसरात जावून माहिती घेवून संशयीत 3 मुलांना ताब्यात घेवून त्यांची विचारपूस केली असता ते अल्पवयीन असल्याचे निदर्शनास आल्यानंतर त्यांना त्यांच्या पालकांसमक्ष विचारपूस केली असता त्यांनी सदरची चोरी ही त्यांचा एक साथीदाराच्या मदतीने केली असलेबाबत माहिती दिली. तसेच त्यांना अधिक विश्वासात घेवून विचारपूस केली असता त्यांनी सुमारे 15 ते 20 दिवसापूर्वी तळोदा शहरातील नगर पालिका परीसरातील एका किराणा दुकानाचे शटरचे कुलूप तोडून किराणा दुकानातील रोख रुपये व काही किराणा माल चोरुन नेलेबाबत माहिती दिल्याने त्यांच्या ताब्यातून दोन्ही गुन्ह्यात एकूण 91 हजार 462 रुपये किमतीचा मुद्देमाल हस्तगत करण्यात आला असून स्थानिक गुन्हे शाखेला तळोदा पोलीस ठाणे येथील खालीप्रमाणे दोन घरफोडीचे गुन्हे उघडकीस करण्यात यश आले आहे. तळोदा पोलीस ठाणे गु.र.नं. 367/2026 B.Ν.Σ. 305(A), 331(4), तळोदा पोलीस ठाणे गु.र.नं. 397/2026 B.N.S. 305(A), 331(4) सदरची कामगिरी नंदुरबार जिल्ह्याचे पोलीस अधीक्षक, नंदुरबार श्रीमती अश्विनी सानप, अपर पोलीस
अधिक्षक अशित कांबळे यांचे मार्गदर्शनाखाली स्थानिक गुन्हे शाखेचे पोलीस निरीक्षक हेमंत पाटील, पोलीस उप निरीक्षक मुकेश पवार, महेश निकम, विकास गुंजाळ पोलीस हवालदार दादाभाऊ वाघ, योगेंद्र सोनार, ज्ञानेश्वर पाटील, मोहन ढमढेरे, पोलीस अंमलदार निशीगंध गवळे, राहुल पांढारकर, विशाल मराठे, सचिन सैंदाणे यांच्या पथकाने केली आहे.