*बामखेडा महाविद्यालयात नंदुरबार विभाग अंतर महाविद्यालयीन बुद्धिबळ स्पर्धा संपन्न*
नंदुरबार(प्रतिनिधी):-ग्रामविकास संस्थेच्या कला व विज्ञान महाविद्यालयात "कवयित्री बहिणाबाई चौधरी उत्तर महाराष्ट्र विद्यापीठ जळगाव व नंदुरबार विभाग यांचा संयुक्त विद्यमाने आयोजित "आंतर महाविद्यालयीन (मुले /मुली ) बुद्धिबळ स्पर्धा 2026-27 संपन्न झाली" कार्यक्रमाची सुरुवात सरस्वती पूजन करून करण्यात आली. सदर कार्यक्रमाचे अध्यक्ष संस्थेचे माजी अध्यक्ष  पी. बी. पटेल यांच्या अध्यक्षतेखाली घेण्यात आल्या. कार्यक्रमाचे प्रमुख अतिथी शहादा तालुक्यातील सामाजिक कार्यकर्ते व विश्व् हिंदू परिषदेचे अध्यक्ष अजय शर्मा तसेच अंबालाल पटेल, नंदुरबार विभागीय सचिव डॉ. तारक दास, महाविद्यालयाचे
प्राचार्य डाॅ एच एम पाटील, इत्यादींच्या उपस्थितीत सदर कार्यक्रम घेण्यात आला. या कार्यक्रमाचे प्रास्ताविक क्रीडा संचालक डॉ. पी. जे. पटेल यांनी केले त्यात त्यांनी स्पर्धा ची नियमावली विद्यार्थ्यांसमोर मांडली आणि  हा खेळ शांततेने कसा खेळावा या विषयी मार्गदर्शन केले. या वेळी
अजय शर्मा यांनीही विद्यार्थ्यांना यशाची उंची कशी गाठायची या बद्दल उपदेश केला. तसेच कार्यक्रमाचे अध्यक्ष पटेल यांनी बुद्धिबळ खेळ कसा खेळावा त्यातून जीवनातील संघर्षावर मात कशी करावी याबद्दल विविध उदाहरणे दिली. सदर कार्यक्रमचे सूत्रसंचालन प्रा. एस. एस. दुथडे यांनी केले. आभार प्रकटन डॉ. सी. एस. करंके यांनी केले. डॉ.देवेंद्र धाकड, डॉ. अरविंद कांबळे, डॉ. राजेश सोनवणे, डॉ. भारत चाळसे डॉ. हितेंद्र चौधरी इत्यादी शारीरिक शिक्षण संचालक यांच्या उपस्थितीत पार पडला. समारोप प्राचार्य डाॅ एच एम पाटील यांच्या हस्ते विजेत्यांना प्रमाणपत्र देवुन झाला. यावेळी महाविद्यालयातील प्राध्यापक व प्राध्यापकेत्तर कर्मचारी व विद्यार्थी उपस्थित होते.