*अक्कलकुवा ग्रामपंचायतीतील भ्रष्टाचाराची आणि गैरकारभाराची चौकशी होणार*

नंदुरबार(प्रतिनिधी):-नंदुरबार जिल्ह्यातील अक्कलकुवा ग्रामपंचायतीमध्ये सातत्याने होत असलेल्या अनियमितता, निधीचा अपहार आणि नियमांचे उल्लंघन याविरोधात पंचायत समिती अक्कलकुवा कार्यालयाने गंभीर दखल घेतली आहे. ग्रामपंचायत सदस्य  सुफीयान खान मक्राणी, श्रीम. हिना प्रविण वळवी, श्रीम. आशियाची शेरेमोहम्मद मक्राणी तसेच हिरालाल सेगजी वळवी यांनी केलेल्या विविध तक्रारींच्या आधारे आता अधिकृत चौकशी मागणी केली आहे. तक्रारीतील प्रमुख मुद्दे, मासिक सभा व ग्रामसभेत मनमानी, सदस्यांना विश्वासात न घेणे, सभेचा अजेंडा न देणे आणि कायदेशीर अधिकारांचे हनन करणे. निधीचा अपहार करणे मक्राणीफळी येथील 450 mm R.C.C. पाईप गटाराच्या कामात बोगस काम करून व दुसऱ्या भागातील खोटे जिओ-टॅग फोटो वापरून शासकीय निधी लाटणे, एकाच कामाचे दोन वेळा बिल, प्रत्यक्ष काम न करता एकाच कामाचा दोन वेळा उल्लेख दाखवून निधी हडप करणे,

खोटी माहिती देणाऱ्या ग्रामविकास अधिकाऱ्यावर कारवाई करणे व सिती नगर गटार भ्रष्टाचारात दोषींवर गुन्हा दाखल करण्यास, होत असलेल्या विलंबाबाबत प्रशासनाला इशारा देण्यात आला आहे.