*विशेष सखोल पुनरनिरीक्षण अभियानातील उत्कृष्ट कार्याबद्दल सुदाम राठोड यांचा दुहेरी गौरव*
अक्कलकुवा(प्रतिनिधी):-भारत निवडणूक आयोगाच्या विशेष सखोल पुनरनिरीक्षण (SIR–2026) अभियानात मतदान केंद्रस्तरीय अधिकारी (BLO) म्हणून 100 टक्के काम मुदतपूर्व यशस्वीरीत्या पूर्ण करून उत्कृष्ट कामगिरी केल्याबद्दल सुदाम किसन राठोड (प्राथ. शिक्षक) तथा BLO, यादी भाग क्र.92 – कोलवी) यांचा दुहेरी सन्मान करण्यात आला.
दि.20 जुलै 2026 रोजी जिल्हाधिकारी तथा जिल्हा निवडणूक अधिकारी डॉ. मित्ताली सेठी (भा प्र से )यांच्या हस्ते सुदाम राठोड यांना जिल्ह्यातील उत्कृष्ट BLO म्हणून गौरवपत्र व गुलाबपुष्प देऊन सन्मानित करण्यात आले.
त्यानंतर आमदार आमश्या फुलजी पाडवी (अक्कलकुवा विधानसभा मतदारसंघ) यांनीही त्यांच्या उत्कृष्ट कार्याची दखल घेत गौरवपत्र प्रदान करून राठोड यांचा विशेष सन्मान केला. यावेळी तहसीलदार विनायक घुमरे (ता. अक्कलकुवा) यांचीही मान्यवर उपस्थिती लाभली.
विशेष सखोल पुनरनिरीक्षण अभियानातील उल्लेखनीय व कर्तव्यदक्ष कामगिरीबद्दल प्राप्त झालेल्या या दुहेरी सन्मानामुळे अक्कलकुवा तालुक्यासह कोयलिविहीर ग्रुप ग्रामपंचायत अंतर्गत कोलवी गावाच्या शिरपेचात मानाचा तुरा रोवला गेला आहे. या उल्लेखनीय यशाबद्दल विविध स्तरांतून सुदाम किसन राठोड यांच्यावर अभिनंदनाचा वर्षाव होत असून, त्यांच्या कार्याचे सर्वत्र कौतुक केले जात आहे.