*श्री स्वामी समर्थ डिस्ट्रिब्युटरचे रुपेश कोलते यांना "उद्योगरत्न पुरस्कार‌‌"प्रदान*
मुंबई(प्रतिनिधी):-श्री स्वामी समर्थ डिस्ट्रिब्युटर' या व्यवसायाला शिव स्वराज्य फाउंडेशनच्या 10 व्या वर्धापन दिनानिमित्त 'उद्योगरत्न' पुरस्काराने सन्मानित करण्यात आले.
‌‌19 जुलै 2026 रोजी भांडुप येथील सह्याद्री विद्या मंदिर सभागृहात संपन्न झालेल्या दिमाखदार सोहळ्यात‌ कोकणचे लाडके नेते आणि माजी आमदार सुभाष बने यांच्या शुभहस्ते हा पुरस्कार श्री स्वामी समर्थ डिस्ट्रिब्युटरचे सर्वेसर्वा रुपेश चंद्रकांत कोलते यांना हा पुरस्कार प्रदान करण्यात आला. गेल्या 3 वर्षांचा प्रवास पाहता हा या व्यवसायाला मिळालेला 12 वा पुरस्कार आहे. विशेष म्हणजे, कोणत्याही शिफारशीशिवाय केवळ कामातील सातत्य आणि गुणवत्तेच्या जोरावर हे यश प्राप्त झाले आहे, याचा सार्थ अभिमान असल्याचे कोलते यांनी सांगितले. हा पुरस्कार केवळ माझा नाही, तर माझ्या कोकणातील माझ्या सर्व ग्राहक वर्गाचा आणि माझ्यावर जीवापाड प्रेम करणाऱ्या मित्र परिवाराचा आहे. तुमच्या विश्वासाशिवाय ही वाटचाल अशक्य होती, म्हणूनच हा पुरस्कार मी तुम्हा सर्वांना समर्पित करतो. शिव स्वराज्य फाउंडेशनने माझ्या कामाची दखल घेऊन मला या पुरस्काराने गौरविण्यात आले याबद्दल संस्थेचा आणि आयोजकांचा मनापासून आभारी आहे असेच नवनवीन टप्पे गाठण्यासाठी आणि कोकणच्या प्रगतीत खारीचा वाटा उचलण्यासाठी मी कटिबद्ध  असल्याचे कोलते यांनी पुरस्कार स्वीकारल्यानंतर बोलताना सांगितले.