*शकुंतला पाटील बहुउद्देशीय संस्थेच्या शताब्दी इन्स्टिट्यूट ऑफ फार्मसी येथे लोकमान्य टिळक जयंती साजरी*
नंदुरबार(प्रतिनिधी):-नंदुरबार तालुक्यातील बामदोड येथील शकुंतला पाटील बहुउद्देशीय संस्थेच्या शताब्दी इन्स्टिट्यूट ऑफ फार्मसी येथे थोर स्वातंत्र्यसेनानी लोकमान्य बाळ गंगाधर टिळक यांची जयंती साजरी करण्यात आली. या प्रसंगी महाविद्यालयाच्या प्रांगणात लोकमान्य टिळकांच्या प्रतिमेला  पुष्प अर्पण करून अभिवादन करण्यात आले. उपस्थित वक्त्यांनी लोकमान्य टिळकांच्या ज्वलंत विचारांवर, शैक्षणिक कार्यावर आणि "स्वराज्य हा माझा जन्मसिद्ध हक्क आहे आणि तो मी मिळवणारच" या त्यांच्या ऐतिहासिक घोषणेवर प्रकाश टाकत विद्यार्थ्यांना राष्ट्र उभारणीची प्रेरणा दिली.कार्यक्रमात विद्यार्थ्यांच्या उस्फूर्त सहभागाचे व शिस्तीचे संस्थेच्या अध्यक्षा श्रीमती योगिता गणेश पाटील, सचिव गणेश गोविंद पाटील, तसेच महाविद्यालयाचे प्राचार्य डॉ. पंकज मोतीलाल चौधरी यांनी विशेष कौतुक केले. या राष्ट्रीय कार्यक्रमाच्या यशस्वी आयोजनासाठी महाविद्यालयातील सर्व प्राध्यापक, शिक्षकेतर कर्मचारी तसेच विद्यार्थ्यांनी सक्रिय सहभाग नोंदविला. कार्यक्रमाच्या शेवटी उपस्थितांनी लोकमान्य टिळकांच्या आदर्शांचे पालन करून समाजहितासाठी कटिबद्ध राहण्याचा सामूहिक संकल्प केला.