*के.आर.पब्लिक स्कूलच्या विद्यार्थ्यांची सब्रोतो मुखर्जी फुटबॉल स्पर्धेत उल्लेखनीय कामगिरी*
नंदुरबार(प्रतिनिधी):-महाराष्ट्र राज्य क्रीडा व युवक सेवा संचालनालयाच्या वतीने आयोजित 65 व्या सब्रोतो मुखर्जी फुटबॉल चषक स्पर्धा 2026-27 (जिल्हास्तरीय) मध्ये के.आर. पब्लिक स्कूल, नंदुरबारच्या मुलांच्या फुटबॉल संघाने उत्कृष्ट खेळाचे प्रदर्शन करत तृतीय क्रमांक पटकावून शाळेचा गौरव वाढविला. या स्पर्धेत जिल्ह्यातील एकूण 10 नामांकित शाळांच्या संघांनी सहभाग घेतला होता. या यशामागे खेळाडूंचे कठोर परिश्रम, प्रशिक्षकांचे योग्य मार्गदर्शन तसेच शाळेच्या व्यवस्थापनाचे सातत्यपूर्ण प्रोत्साहन मोलाचे ठरले. या उल्लेखनीय यशाबद्दल शाळेचे चेअरमन किशोर वाणी, उपाध्यक्ष सिद्धार्थ वाणी,  संचालिका सौ. केतकी वाणी, प्राचार्या डॉ. छाया शर्मा तसेच सर्व शिक्षक व शिक्षकेतर कर्मचाऱ्यांनी संघाचे अभिनंदन करून हार्दिक शुभेच्छा दिल्या.