*नंदुरबार सहकार भारतीतर्फे सहकार दिन साजरा*
नंदुरबार(प्रतिनिधी):-सहकार भारती संघटनेच्या नंदुरबार जिल्हा शाखेतर्फे शनिवारी सहकार दिन साजरा करण्यात आला. येथील पंडित  दीनदयाल उपाध्याय  पतपेढीच्या कार्यालयात   शनिवारी सहकार दिनानिमित्त   प्रतिमापूजन करण्यात आले. याप्रसंगी सहकार भारतीचे संस्थापक प्रणेते स्व. लक्ष्मणराव इनामदार यांच्या प्रतिमेस  नंदुरबार सहकार भारती संघटनेच्या महिला आघाडी प्रमुख सुरेखा वळवी यांनी माल्यारर्पण केले. याप्रसंगी सहकार भारती संघटनेचे नंदुरबार जिल्हा संघटनमंत्री महादू हिरणवाळे यांनी सांगितले की, जागतिक सहकार दिन दरवर्षी जुलै महिन्याच्या पहिल्या शनिवारी जगभरात साजरा केला जातो. हा दिवस सहकार क्षेत्राचे महत्त्व, त्याद्वारे होणारा  सामाजिक आर्थिक विकास आणि शाश्वत विकास उद्दिष्टे साध्य करण्यातील सहकाराची भूमिका अधोरेखित करण्यासाठी साजरा करण्यात येतो. अशी माहिती महादू हिरणवाळे यांनी दिली. तर सहकार भारतीच्या महिला संघटन प्रमुख सुरेखा वळवी यांनी आगामी काळात सभासद अभियान वाढविणे व सहकार क्षेत्रातील विविध उपक्रम आयोजित करण्याबाबत सांगितले.
सहकार दिन कार्यक्रमास पंडित दीनदयाल उपाध्याय पतपेढीचे चेअरमन नाना माळी, व्हाईस चेअरमन मोहन चौधरी, व्यवस्थापक पांडुरंग माळी, सहकार भारतीचे नंदुरबार जिल्हाध्यक्ष ॲड. के. आर.पाठक, ज्येष्ठ सदस्य प्राचार्य हिम्मतराव चव्हाण, बी.डी. गोसावी, बाबूलाल माळी, वैभव करवंदकर, महिला सदस्या किरण गायकवाड, मिनल परमार, दिपाली नांद्रे, तसेच सुदाम खैरनार, प्रसाद अर्थेकर, दरबारसिंग सोलंकी, जयेश मराठे, नितीन सांगळे, सुखदेव माळी,भास्कर देवरे, कमलेश कासार आदी उपस्थित होते.