*के.आर. पब्लिक स्कूलमध्ये JEE, NEET  स्पर्धा परीक्षांसाठी मार्गदर्शनपर व्याख्यान कार्यक्रम संपन्न*
नंदुरबार(प्रतिनिधी):-श्री स्वामी समर्थ विद्यानिकेतन संचलित के.आर. पब्लिक स्कूल, नंदुरबार येथे विद्यार्थ्यांच्या सर्वांगीण विकासासह JEE, NEET व इतर स्पर्धा परीक्षांच्या प्रभावी तयारीसाठी मार्गदर्शनपर व्याख्यान कार्यक्रमाचे आयोजन करण्यात आले.
कार्यक्रमाच्या प्रारंभी उपस्थित मान्यवरांचे स्वागत करण्यात आले. यावेळी मान्यवरांनी विद्यार्थ्यांना स्पष्ट ध्येय निश्चित करून सातत्यपूर्ण अभ्यास, शिस्त, आत्मविश्वास आणि कठोर परिश्रम यांच्या बळावर यश संपादन करण्याचे आवाहन केले.
या मार्गदर्शनपर कार्यक्रमात विविध क्षेत्रांतील तज्ज्ञांनी विद्यार्थ्यांना मोलाचे मार्गदर्शन केले. रवींद्र भीमराव लांडगे यांनी JEE, NEET व इतर स्पर्धा परीक्षांची तयारी, अभ्यासाचे नियोजन, वेळेचे व्यवस्थापन आणि यशस्वी होण्यासाठी आवश्यक बाबी याविषयी सविस्तर मार्गदर्शन केले. डॉ. रवींद्र सखाराम पाटील यांनी स्पर्धा परीक्षांचे स्वरूप, प्रभावी अभ्यासपद्धती आणि करिअरच्या विविध संधी यांची माहिती दिली.
JEE परीक्षा उत्तीर्ण विद्यार्थी रुद्र पाटील यांनी विद्यार्थ्यांशी संवाद साधत स्वतःचा यशस्वी प्रवास, सातत्यपूर्ण अभ्यासाचे महत्त्व समजवून सांगितले. तसेच डॉ. स्नेहल सूर्यकांत पंजराले यांनी JEE, NEET व इतर स्पर्धा परीक्षांबाबत सविस्तर माहिती देत विद्यार्थ्यांच्या शंकांचे निरसन केले. JEE परीक्षा उत्तीर्ण विद्यार्थी प्रतीक पंजराले यांनीही विद्यार्थ्यांना परीक्षेच्या तयारीसाठी उपयुक्त टिप्स, अभ्यासाचे नियोजन आणि स्वतःचे अनुभव सांगून मार्गदर्शन केले  पालकांचा मोठा सहभाग होता.