*रोटरी क्लब ऑफ नंदनगरीतर्फे नंदुरबारात कराओके गायन, व्हाईस ऑफ नंदुरबार सीजन 6 स्पर्धेचे 12 जुलै रोजी आयोजन*
नंदुरबार(प्रतिनिधी):-नंदुरबार येथे रोटरी क्लब ऑफ नंदनगरीतर्फे कराओके गीत गायन स्पर्धा 2026, व्हॉइस ऑफ नंदुरबार सीजन सहाचे 12 जुलै रोजी आयोजन करण्यात आले असून यासाठी प्रथम फेरी ही दिनांक 5 जुलै रोजी असणार असून यात लहान गट व मोठा गट असे असून लहान गट हा पाच ते चौदा वयोगटाचा असून व मोठा गट पंधरा वर्षापासून पुढे असणाऱ्यांसाठी आहे, या कराओके गीत गायन स्पर्धेसाठी हौशी संगीत प्रेमी कलाकारांनी मोठ्या संख्येने सहभागी होण्याचे आवाहन, रोटरी क्लब ऑफ नंदनगरीचे अध्यक्ष नंदकिशोर सूर्यवंशी व सचिव महेश रघुवंशी यांनी केले आहे, सदर स्पर्धेसाठी लहान गटासाठी प्रथम फेरीची फी पन्नास रुपये तर अंतिम फेरीची फी तीनशे रुपये असणार आहे, तसेच मोठ्या गटासाठी प्रथम फेरीची फी शंभर रुपये तर अंतिम फेरीची फी चारशे रुपये असणार आहे, यात स्पर्धेतील विजेत्यांना भरघोस बक्षीस दिले जाणार असून, त्यात लहान गटासाठी प्रथम बक्षीस सात हजार रुपये, द्वितीय बक्षीस पाच हजार रुपये, तृतीय बक्षीस तीन हजार रुपये असणार आहे, तर मोठ्या गटासाठी प्रथम बक्षीस पंधरा हजार रुपये, द्वितीय बक्षीस 11 हजार रुपये, तृतीय बक्षीस सात हजार रुपये असणार आहे, बक्षिसाचे स्वरूपे संगीताचे साहित्य देऊन करण्यात येणार आहे, व्हॉइस ऑफ नंदुरबार सीजन 6 कराओके गीत गायन स्पर्धेत सहभागी होण्यासाठी हौशी कलाकारांनी मोठ्या संख्येने स्पर्धेत सहभागी होण्याचे आवाहन, नंदनगरीचे अध्यक्ष नंदकिशोर सूर्यवंशी, सचिव महेश रघुवंशी, प्रोजेक्ट चेअरमन नागसेन पेंढारकर, रोटरियन किरण दाभाडे यांनी केले आहे.