*अंगणवाडी कर्मचारी यांना इतर योजनेचे योजना बाह्य कामे देण्यात येऊ नये*
नंदुरबार(प्रतिनिधी):-3 जुलै 2026 रोजी महाराष्ट्र राज्य अंगणवाडी कर्मचारी संघटनेतर्फे जिल्हा परिषदेचे अतिरिक्त मुख्य कार्यकारी अधिकारी तसेच उपजिल्हाधिकारी नंदुरबार व उपमुख्य कार्यकारी अधिकारी बाल कल्याण प्रशासन अधिकारी यांना अंगणवाडी कर्मचारी यांना बीएल ओचे काम देण्यात येत असल्याने तो अंगणवाडी कर्मचाऱ्यांवर अन्याय असल्याचे संघटनेचे म्हणणे आहे तसेच सचिव, आयुक्त व भारत सरकार यांचे आदेश आहेत की, अंगणवाडी कर्मचारी यांना इतर योजनेचे योजना बाह्य कामे देण्यात येऊ नये असे असताना जिल्ह्यातील तहसीलदार हे दादागिरीची भूमिकांनी पाहून अंगणवाडी कर्मचारी यांना बीएल ओचे काम देण्यात येत आहे, अधिकारी हे शासनाचे आदेश मानत नाही तरी अंगणवाडी कर्मचारी यांनी अधिकारी यांचे आदेश मानू नये सर्व अंगणवाडी कर्मचारी यांना संघटनेमार्फत सूचित करण्यात आले आहे की, कोणत्याही परिस्थितीमध्ये बीएल ओचे काम स्वीकारू नये, कोणत्याही प्रशिक्षणला जाऊ नये, तरीही तहसीलदार यांनी सदर काम थांबवले नाही तर जिल्ह्यातील अंगणवाडी कर्मचारी बेमुदत अंगणवाडी केंद्र बंद करतील, आहार वाटप देणे थांबवतील, भविष्यात बालमृत्यू अथवा कुपोषण वाढले तर ती जबाबदारी शासनाची व जिल्हा परिषदेची राहील, तरी अंगणवाडी कर्मचारी यांनी कोणत्याही दबावाला बळी न पडता, बीएल ओचे काम स्वीकारू नये, अशी मागणी करण्यात आली आहे, यासंदर्भात निवेदन देण्यात आले आहे, त्याचे नेतृत्व संघटनेचे कार्य अध्यक्ष युवराज बैसाणे यांनी केले.