*यशवंत विद्यालय, धामणंद,खेड येथे 400 वे निःशुल्क शासकीय स्पर्धापरीक्षा मार्गदर्शन व्याख्यान पूर्ण*

खेड(प्रतिनिधी):-तालुक्यातील 15 गाव क्रिकेट फेडरेशनच्या वतीने आयोजित करण्यात आलेला विद्यार्थी, पालक व समाजहिताचा बहुआयामी कार्यक्रम उत्साहात आणि दिमाखात संपन्न झाला. शिक्षण, पर्यावरण, सामाजिक बांधिलकी आणि धार्मिक कार्याचा सुंदर संगम या कार्यक्रमात पाहायला मिळाला. या कार्यक्रमात विद्यार्थी -पालक मार्गदर्शन शिबिर, विद्यार्थी गुणगौरव सोहळा याशिवाय MPSC, DR, CA, पोलीस तसेच विविध शासकीय विभागांमध्ये यश मिळवून सेवेत रुजू झालेल्या 10 मान्यवर विद्यार्थ्यांचा विशेष सत्कार करण्यात आला. पर्यावरण संवर्धनाचा संदेश देण्यासाठी उपस्थित मान्यवरांना 50 वृक्षरोपांचे वितरण करण्यात आले. सामाजिक व धार्मिक बांधिलकी जपत महालिंग मंदिर जीर्णोद्धारासाठी रू. 51000 ची देणगी प्रदान करण्यात आली.

या कार्यक्रमाचे प्रमुख मार्गदर्शक सत्यवान यशवंत रेडकर, वरिष्ठ अनुवाद अधिकारी केंद्रीय वस्तू तसेच सेवा कर, मुंबई, भारत सरकार यांनी विद्यार्थी, पालक आणि ग्रामस्थांना 400 व्या व्याख्यानाच्या अनुषंगाने अत्यंत प्रेरणादायी मार्गदर्शन केले. त्यांच्या विचारांनी उपस्थितांच्या मनावर खोल प्रभाव पाडला. कोकणातून जास्तीत जास्त अधिकारी घडवण्यासाठी रेडकर कोणतेही मानधन न घेता निशुल्क मार्गदर्शन करीत असतात. पंधरा गावातील मान्यवर, ग्रामीण व मुंबईतील संघटनांचे प्रतिनिधी, विविध शाळांचे संस्था चालक, मुख्याध्यापक, शिक्षक आणि पालक यांनी संपूर्ण कार्यक्रमाला उपस्थित राहून मनापासून दाद दिली.

खेड(प्रतिनिधी):- तालुक्यातील 15 गाव क्रिकेट फेडरेशनच्या वतीने आयोजित करण्यात आलेला विद्यार्थी, पालक व समाजहिताचा बहुआयामी कार्यक्रम उत्साहात आणि दिमाखात संपन्न झाला. शिक्षण, पर्यावरण, सामाजिक बांधिलकी आणि धार्मिक कार्याचा सुंदर संगम या कार्यक्रमात पाहायला मिळाला. या कार्यक्रमात विद्यार्थी -पालक मार्गदर्शन शिबिर, विद्यार्थी गुणगौरव सोहळा याशिवाय MPSC, DR, CA, पोलीस तसेच विविध शासकीय विभागांमध्ये यश मिळवून सेवेत रुजू झालेल्या 10 मान्यवर विद्यार्थ्यांचा विशेष सत्कार करण्यात आला. पर्यावरण संवर्धनाचा संदेश देण्यासाठी उपस्थित मान्यवरांना 50 वृक्षरोपांचे वितरण करण्यात आले. सामाजिक व धार्मिक बांधिलकी जपत महालिंग मंदिर जीर्णोद्धारासाठी रू. 51000 ची देणगी प्रदान करण्यात आली.
या कार्यक्रमाचे प्रमुख मार्गदर्शक सत्यवान यशवंत रेडकर, वरिष्ठ अनुवाद अधिकारी केंद्रीय वस्तू तसेच सेवा कर, मुंबई, भारत सरकार यांनी विद्यार्थी, पालक आणि ग्रामस्थांना 400 व्या व्याख्यानाच्या अनुषंगाने अत्यंत प्रेरणादायी मार्गदर्शन केले. त्यांच्या विचारांनी उपस्थितांच्या मनावर खोल प्रभाव पाडला. कोकणातून जास्तीत जास्त अधिकारी घडवण्यासाठी रेडकर कोणतेही मानधन न घेता निशुल्क मार्गदर्शन करीत असतात. पंधरा गावातील मान्यवर, ग्रामीण व मुंबईतील संघटनांचे प्रतिनिधी, विविध शाळांचे संस्था चालक, मुख्याध्यापक, शिक्षक आणि पालक यांनी संपूर्ण कार्यक्रमाला उपस्थित राहून मनापासून दाद दिली.