*महाराष्ट्र राज्य सुरक्षा दलात निवड झालेल्या तळवडेच्या अनिकेत गोसावीचा युवा सेनेच्यावतीने सत्कार*
पाचल(प्रतिनिधी):-राजापूर तालुक्यातील मौजे तळवडे गावचा सुपुत्र कुमार अनिकेत गोपिनाथ गोसावी याची महाराष्ट्र राज्य सुरक्षा दलात नुकतीच नियुक्ती झाली आहे. यामुळे गावात आनंदाचे वातावरण पसरले असून त्याचे सर्वच स्तरातून कौतुक व अभिनंदन करण्यात येत आहे. अनिकेतने आपल्या कार्यकतृत्वाने आपल्या आई वडीलांचे त्याबरोबर आपल्या गावाचे नाव उज्वल केल्याबद्दल शिवसेना युवा सेनेच्यावतीने जेष्ठ कार्यकर्ते आप्पा साळवी यांच्या हस्ते अनिकेत गोसावी याचा सत्कार करण्यात आला. यावेळी युवा सेना तालुका प्रमुख सुनील गुरव, विभाग प्रमुख शैलेश साळवी, सुरेश गुडेकर आणि वाडीतील ग्रामस्थ मोठ्या संख्येने उपस्थित होते. एका सर्वसामान्य कुटुंबातून पुढे येत त्यांने मेहनत, जिद्द, चिकाटी, कठोर परिश्रम आणि शारीरिक तयारीच्या जोरावर हे संपादन केले आहे. त्यामुळे त्याचे सर्वच स्तरातून अभिनंदन व कौतुक होत आहे.