*राजर्षी छत्रपती शाहू महाराज व धर्मवीर छत्रपती संभाजी महाराज जयंती उत्साहात साजरी*
नंदुरबार(प्रतिनिधी):-शकुंतला पाटील बहुउद्देशीय संस्थेच्या शताब्दी इन्स्टिट्यूट ऑफ फार्मसी, बामदोड येथे राजर्षी छत्रपती शाहू महाराज आणि धर्मवीर छत्रपती संभाजी महाराज यांची जयंती उत्साहपूर्ण व प्रेरणादायी वातावरणात साजरी करण्यात आली. यावेळी महापुरुषांच्या प्रतिमेला पुष्पहार अर्पण करून अभिवादन करण्यात आले.
कार्यक्रमादरम्यान विद्यार्थ्यांना राजर्षी छत्रपती शाहू महाराज यांच्या सामाजिक न्याय, शिक्षणप्रेम, समता आणि लोककल्याणकारी कार्याचा तसेच धर्मवीर छत्रपती संभाजी महाराज यांच्या अद्वितीय शौर्य, स्वाभिमान, राष्ट्रनिष्ठा आणि बलिदानाचा परिचय करून देण्यात आला. महापुरुषांचे विचार व कार्य हे आजच्या युवकांसाठी प्रेरणादायी असून त्यांचा आदर्श जीवनात अंगीकारण्याचे आवाहन करण्यात आले. विद्यार्थ्यांच्या उत्स्फूर्त सहभागाचे व कार्यक्रमाच्या यशस्वी आयोजनाचे संस्थेच्या अध्यक्षा श्रीमती योगिता गणेश पाटील आणि सचिव गणेश गोविंद पाटील व महाविद्यालयाचे प्राचार्य डॉ. पंकज चौधरी यांनी कौतुक केले. तसेच महाविद्यालयाचे विद्यार्थ्यांनी राजर्षी छत्रपती शाहू महाराज यांच्या सामाजिक समतेच्या विचारांचा आणि धर्मवीर छत्रपती संभाजी महाराज यांच्या शौर्य, त्याग व राष्ट्रनिष्ठेचा आदर्श विद्यार्थ्यांनी जीवनात अंगीकारावा, असे आवाहन केले.
कार्यक्रमास महाविद्यालयातील प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते. शेवटी सर्वांनी महापुरुषांच्या आदर्शांचे पालन करून समाजहितासाठी कार्य करण्याचा संकल्प केला.