*नवापूर विधानसभा मतदारसंघात मतदार यादी विशेष पुनरीक्षण कार्यक्रमांतर्गत मतदान केंद्रस्तरीय अधिकारी ( BLO) व BLO पर्यवेक्षकांचे प्रशिक्षण संपन्न*
नवापूर(प्रतिनिधी):-25 जून 2026 रोजी सुरूपसिंग नाईक  टाऊन हॉल, नगरपालिका, नवापूर येथे 4 -नवापूर विधानसभा मतदारसंघातील सर्व मतदान केंद्रस्तरीय अधिकारी (BLO) व पर्यवेक्षक यांचे मतदार यादी विशेष पुनरीक्षण कार्यक्रमाच्या (SIR) अनुषंगाने प्रशिक्षण व आढावा बैठक आयोजित करण्यात आली.
या बैठकीदरम्यान सर्व उपस्थित BLO व पर्यवेक्षकांना कामकाजासाठी BLO किट तसेच मतदारांची अद्ययावत माहिती संकलित करण्यासाठी Enumeration Form (इन्युमरेशन फॉर्म) वितरित करण्यात आले.
प्रशिक्षणामध्ये मतदार नोंदणी अधिकारी श्रीमती उषारराणी देवगुणे तसेच ठोंबरे यांनी मतदार यादी पुनरीक्षणाची प्रक्रिया, Enumeration Form भरण्याची पद्धत, मतदारांची माहिती अद्ययावत करण्याबाबतची कार्यपद्धती आणि संबंधित सूचना याबाबत सविस्तर मार्गदर्शन केले.
यावेळी 4-नवापूर विधानसभा मतदारसंघातील सर्व सहाय्यक मतदार नोंदणी अधिकारी उपस्थित होते.
यावेळी मतदार नोंदणी अधिकारी यांनी 4-नवापूर विधानसभा मतदारसंघातील सर्व मतदारांना आवाहन केले की, आपल्या परिसरातील मतदान केंद्रस्तरीय अधिकारी (BLO) माहिती संकलनासाठी भेट देत असताना त्यांना आवश्यक ती अचूक व अद्ययावत माहिती द्यावी. तसेच Enumeration Form व्यवस्थित भरून द्यावा आणि अलीकडील काळातील दोन स्पष्ट फोटो उपलब्ध करून द्यावीत. यामुळे मतदार यादी अधिक अचूक व अद्ययावत होण्यास मदत होईल. सर्व नागरिकांनी या निवडणूक प्रक्रियेस सहकार्य करून लोकशाही अधिक सक्षम करण्यासाठी आपले योगदान द्यावे, असे आवाहन करण्यात आले.