*विश्व हिंदू परिषद,बजरंग दल तळोदातर्फे जागतिक योग दिन उत्साहात साजरा*
तळोदा(प्रतिनिधी):-जागतिक योग दिनानिमित्त विश्व हिंदू परिषद, बजरंग दल  स्वामी विवेकानंद साप्ताहिक सत्संग मंडळ, तळोदा यांच्या विद्यमाने योगाभ्यास कार्यक्रमाचे आयोजन करण्यात आले.कार्यक्रमाच्या प्रारंभी भारत माता पूजन करण्यात आले. यावेळी योग शिक्षक ए. व्ही. कलाल, आर. ओ. मगरे तसेच विश्व हिंदू परिषद प्रांत विषय संपर्क सहप्रमुख विजय सोनवणे यांच्या हस्ते पूजन करून कार्यक्रमाची सुरुवात करण्यात आली. यानंतर सुमारे एक तास विविध योगासने, प्राणायाम व योगाभ्यास घेण्यात आला. योगाचे महत्त्व, निरोगी जीवनासाठी योगाची आवश्यकता याबाबत उपस्थितांना मार्गदर्शन करण्यात आले.
या कार्यक्रमास प्रा. राजाराम राणे, मोहन रघुवंशी, डॉ. शांतीलाल पिंपळे, राजेश चौधरी, शिरीष मगरे, मुकेश जैन, सतीश कुवर सर, अनुराग सक्सेना, मैकु सक्सेना, सतीश सोलंकी, कीर्तीकुमार माळी तसेच विश्व हिंदू परिषद, बजरंग दल कार्यकर्ते उपस्थित होते.