*मोलगीच्या अल्फाबेट स्कूलमध्ये जागतिक योग दिवस साजरा*

अक्कलकुवा(प्रतिनिधी):-अक्कलकुवा तालुक्यातील मोलगी येथील मूळबीज शैक्षणिक संस्था संचलित अल्फाबेट इंग्लिश मिडियम स्कूल मोलगी येथे जागतिक योग दिवस साजरा करण्यात आला. यावेळी प्रमुख पाहुणे व योग मार्गदर्शक म्हणून मोलगी आश्रम शाळेचे उदय गावित होते तर अध्यक्षस्थानी शाळेचे मुख्याध्यापक गोटूसिंग वळवी हे होते. आधुनिक काळातील गुंतागुंतीच्या व धावपळीच्या जीवनात मनुष्याचे आरोग्य सुरक्षित रहावे यासाठी संयुक्त राष्ट्र संघाद्वारा 21 जून ला 'जागतिक योग दिवस' साजरा करण्याचे ठरवले. त्याचाच भाग म्हणुन मोलगीच्या अल्फाबेट स्कूलतर्फे विविध प्राणायम व योगासनाच्या प्रात्यक्षिकासह योग दिवस साजरा करण्यात आला. कार्यक्रमाच्या सुरुवातीला मान्यवरांच्या हस्ते प्रतिमेचे पूजन करण्यात आले. त्यानंतर कार्यक्रमाची प्रस्तावना शाळेचे सहशिक्षक करण वळवी यांनी केली. त्यात त्यांनी विविध योगासने व प्राणायमाचे महत्त्व व फायद्याविषयी माहिती दिली. त्यानंतर कार्यक्रमाचे प्रमुख अतिथी व योग मार्गदर्शक उदय गावित यांनी सर्व प्रकारचे योग विद्यार्थ्यांना करुन दाखवले व त्यांच्याकडून मनोरंजनात्मक पद्धतीने करुन घेतले. कार्यक्रमाचे अध्यक्ष गोटूसिंग वळवी यांनी विद्यार्थ्यांचे कौतूक करत योग दिवसाचे महत्त्व पटवून दिले.
कार्यक्रमाच्या यशस्वीतेसाठी शाळेतील शिक्षिका मनीषा वसावे, लिला पाडवी, जयवंती पाडवी, रिकिता तडवी, कविता वळवी, अंकिता पाडवी, संध्या राऊत, लक्ष्मी वसावे, हीराबाई वसावे यांनी मेहनत घेतली. कार्यक्रमाचे सुत्रसंचालन मोनाली पाडवी  तर आभार उपमुख्याध्यापक ईश्वर वसावे यांनी मानले.