*देशाच्या राज्य क्रीडा मंत्र्यांसमवेत डॉक्टर हिना गावित यांनी साजरा केला आंतरराष्ट्रीय योग दिवस*
नंदुरबार(प्रतिनिधी):-21 जून 2026 रोजी सकाळी आंतरराष्ट्रीय योग दिवसानिमित्त भारताच्या राज्य क्रीडामंत्री रक्षा खडसे आणि माजी खासदार प्रीतम मुंडे यांच्या समवेत माजी खासदार डॉक्टर हिना गावित यांनी आंतरराष्ट्रीय योग दिवस साजरा केला. स्पोर्ट्स अथॉरिटी ऑफ इंडियाच्या कांदिवली (मुंबई) येथील रीजनल साई सेंटरमध्ये हा कार्यक्रम आयोजित करण्यात आला होता. याप्रसंगी डॉक्टर हिना गावित यांनी मान्यवरांसोबत विविध योगासने सादर करण्याचा आनंद घेतला. त्याचप्रमाणे तिथे सादर झालेल्या विविध क्रीडा प्रकारांचा देखील आनंद घेतला. अत्यंत प्रशस्त अशा रिजनल साई क्रीडा सेंटरची या निमित्ताने पाहणी करून माहिती घेतली. आपल्या खेळाडूंना कोणते आणि कसे प्रशिक्षण दिले जाते, त्यांच्यासाठी कोणकोणत्या सुविधा उपलब्ध आहेत; हे जवळून पाहायला मिळाल्या बद्दल तसेच हे सुवर्णक्षण अनुभवायला दिले म्हणून मंत्री रक्षा खडसे आणि प्रीतम मुंडे यांचे त्यांनी मनापासून आभार मानले.