*मुंबई उच्च न्यायालय खंडपीठ छत्रपती संभाजीनगर यांचे वैवाहिक प्रकरण एफ.आय.आर.रद्दबातल करण्याचे महत्त्वपूर्ण आदेश*
जालना(प्रतिनिधी):-मुंबई उच्च न्यायालय खंडपीठ छत्रपती संभाजीनगर वैवाहिक प्रकरण एफ.आय.आर. रद्दबातल करण्याचे महत्त्वपूर्ण आदेश फिर्यादी माधुरी पवार राहणार जिल्हा जालना हिने पती व नातेवाईक यांच्या विरुद्ध पोलीस ठाणे मंठा येथे गुन्हा भारतीय न्याय संहितेच्या कलम 85, 3 (5) प्रमाणे नोंदविला होता. थोडक्यात माहिती फिर्याद प्रमाणे अशी कि, सुरुवातीला दोन- तीन महिने चांगले नांदवल्यानंतर सासरकडील लोकांनी शारीरिक व मानसिक त्रास देण्यास सुरुवात केली. निरक्षर, व्यवस्थित काम न करणे, कमी हुंडा, उपाशी ठेवणे, टोमणे मारणे, घर घेण्यासाठी पैशांची मागणी‌, शिवीगाळ, मारहाण, घरातून हाकलणे असे अनेक आरोप प्रत्यारोप लावण्यात आले होते. फिर्यादी हिने महिला तक्रार केंद्र येथे‌ ही अर्ज दाखल केला होता. नातेवाईकांनी प्रकरण मिटविण्यासाठी भरपूर प्रयत्न केले होते. सदर प्रकरणात आरोपपत्रही दाखल करण्यात आले होते. मुंबई उच्च न्यायालय खंडपीठ छत्रपती संभाजीनगर (न्यायमूर्ती एस. जी.चपळगावकर) यांनी 12 जून 2026 रोजीच्या न्यायनिर्णयाद्वारे  प्रकरणातील सर्व बाबींच्या सखोल विचार करून अर्जदार यांचे अर्ज मंजूर करून एफ. आय. आर. रद्दबातल करण्याचे महत्त्वपूर्ण आदेश पारित केलेले आहेत.  अर्जदारतर्फे एडवोकेट गजेंद्र देविचंद जैन (भंसाली) यांनी काम पाहिले.