*दुर्मीळ 'मंडूळ' सापाला जीवदान*
नंदुरबार(प्रतिनिधी):-शहरालगतच्या कोकणी हिल
परिसरात हा साप आढळून आला. या सापाला सर्पमित्रांनी जीवदान देत नैसर्गिक अधिवासात सोडून दिले. कोकणी हिल रस्त्यालगत साप असल्याची माहिती सर्पमित्र ओम कोडग याला मिळाली होती. त्यांनी घटनास्थळी दाखल होत सापाची पाहणी केली असतात, तो दुर्मीळ असा मांडूळ साप (Red Sand Boa) असल्याचे समोर आले. या सापाची लांबी सुमारे 4 फुट होती. त्याला मराठीत मांडूळ किंवा दुतोंड्या म्हणून ओळखले जाते. हा बिनविषारी साप आहे. त्याच्या शेपटीचा आकार तोंडासारखा गोल असतो, त्यामुळे गोंधळ निर्माण होऊन त्याला दोन तोंडे असल्याचा गैरसमज होतो. सर्पमित्र ओम यांनी या सापाला वनविभागाच्या मार्गदर्शनात नैसर्गिक अधिवासात सोडून देत जन जागृती सुद्धा केली.