*"सोनाली नर्सरी" च्या माध्यमातून वेगळा मार्ग निवडणारी पेंडखळेतील सोनाली संतोष जोगले*
पेंडखळे(प्रतिनिधी):-राजापूर तालुक्यातील मौजे पेंडखळे गावची सुपुत्री कु.‌सोनाली संतोष जोगले हिने "सोनाली नर्सरी" हा छोटा व्यवसाय सुरु करत एक वेगळा मार्ग निवडला आहे
तरुण - तरुणी शिकल्यानंतर शक्यतो नोकरीसाठी पुणे मुंबई शहराकडे वळतात परंतु सोनालीच्या कुटुंबाकडे कोणतीही व्यवसायिक पार्श्वभूमी नसताना नितेश गराटे यांच्याकडून प्रेरणा घेऊन हा व्यवसाय सुरु केला सोनाली हिचे बारावी पर्यंतचे शिक्षण राजापूरातील गोडे - दाते कनिष्ठ महाविद्यालयात झाले ती मुंबईत गेली असती परंतु मूळ शेतीची आवड आणि गावातच राहून काहीतरी करायला हवे ही तळमळ तिला स्वस्थ बसू देत नव्हती म्हणूनच गावातच राहून नर्सरी व्यवसाय  सुरु केला राजापूर तालुक्यातील सुनिल माळी यांच्या माध्यमातून सोनाली जोगले हिच्यापर्यंत पोहोचता आले तिने यावेळी बोलताना तिच्यावर आलेल्या अनेक अडचणीचा इतिहास उलगडून दाखवला या अडचणींवर मात करत तिने आपली ही नर्सरी मोठ्या हिंमतीने सुरु ठेवली आहे सोनालीचे आईवडील शेतकरी असून ही घरात मोठी आहे अख्ख्या घराची जबाबदारी तिने आपल्या खांद्यावर घेतली आहे  खरेतर गावातच राहून व्यवसाय करण्यासाठी धडपडणाऱ्या सोनाली सारख्या उदयोन्मुख व्यवसायिकेला आपणच प्रोत्साहन द्यायला हवे तालुक्यातील शेतकऱ्यांना या हंगामात लागवड करण्यासाठी जर काजूची रोपे हवी असतील तर कु. सोनाली संतोष जोगले हिच्याशी ८०१०८३३५२४ या भ्रमणध्वनीवर संपर्क साधावा आपण सर्वांनी तिच्या नर्सरीतून काजू रोपे खरेदी केल्यास निश्चितच तिच्या व्यवसायाला हातभार लागेल त्यातूनच एक भविष्यात छोटी उद्योजिका निर्माण होऊ शकेल.