*मुंबईत 7 रोजी रंगणार युवा गझल संमेलन*
मुंबई(प्रतिनिधी):-गझल मंथन साहित्य संस्था चंद्रपूर यांनी आयोजित केलेले पहिले अखिल भारतीय युवा गझल संमेलन रविवार 7 जून रोजी सकाळी 9 वा पासून सायं 5.30 पर्यंत प्रज्ञा बोधिनी हायस्कूल जयप्रकाश नगर, गोरेगाव पूर्व येथे प्रसिद्ध आणि नवोदित गझलकारांच्या उपस्थितीत संपन्न होत आहे या संमेलनाला अध्यक्ष म्हणून बुलढाणा जिल्ह्यातील प्रसिद्ध युवा गझलकार गोपाल मापारी यांची तर स्वागताध्यक्ष म्हणून युवा गझलकार चेतन पवार यांची सर्वानुमते निवड करण्यात आली आहे. युवा गझलकार विशाल मोहिते यांना संस्थेचा "युवा गझलकार -2026" हा पुरस्कार सन्मानपूर्वक प्रदान करण्यात येणार आहे.‌ या ‌संमेलनाचे उद्घाटक म्हणून युवा गझलकार स्वप्निल शेवडे उपस्थित राहणार असून गझलनवाज भिमराव पांचाळे यांना "गझल मंथन जीवनगौरव पुरस्कार" देऊन सन्मानित करण्यात येणार आहे
संमेलनाला प्रमुख अतिथी म्हणून श्रीपाद जोशी तर‌ प्रमुख उपस्थिती म्हणून सुधीर महाजन, रवींद्र यशवंतराव (देशमुख), डॉ गिरीश इंगळे, प्रा. हेमंत सुधाकर सामंत आदी मान्यवर उपस्थित राहणार आहेत. गझल मंथन साहित्य संस्थेने खास युवा गझलकारांसाठी गझल स्पर्धा आयोजित केली होती या स्पर्धेतील सहभागींच्या युवा गझलकार प्रातिनिधिक गझल संग्रहाचे प्रकाशन करण्यात येणार असून या स्पर्धेतील विजेत्यांना संमेलनात सन्मानचिन्ह, प्रमाणपत्र, गझलयात्री संग्रह आणि रोख रक्कम देऊन गौरविण्यात येणार आहे. संमेलनात ज्येष्ठ गझलकारांचे मार्गदर्शन लाभणार आहे. तसेच चर्चासत्र आणि पाच दर्जेदार मुशायरे संपन्न होणार आहेत सदर संमेलनाला गझल रसिकांनी उपस्थित राहून दर्जेदार गझलांचा आस्वाद घ्यावा असे आवाहन गझल मंथन संस्था कोकण उपविभाग प्रमुख संजय कुळये यांनी केले आहे.