*"जनकल्याण प्रतिष्ठान मंडळ आयोजित टेनिस बाॅल‌ क्रिकेट स्पर्धा उत्साहात आणि यशस्वी रित्या संपन्न*
राजापूर(प्रतिनिधी):-जनकल्याण प्रतिष्ठान मंडळ, तळवडे यांच्या वतीने आयोजित करण्यात आलेली भव्य टेनिस बॉल क्रिकेट स्पर्धा उत्साहात आणि यशस्वीरित्या पार पडली. या स्पर्धेमध्ये परिसरातील अनेक संघांनी सहभाग नोंदवून उत्कृष्ट खेळाचे प्रदर्शन केले. या स्पर्धेत प्रथम क्रमांक — [Activ REX लांजा]
तर द्वितीय क्रमांक —[एकता 11 आडीवरे] यांनी पटकावला. विजेत्या व उपविजेत्या संघांना चषक, सन्मानचिन्ह व रोख बक्षिसे देऊन गौरविण्यात आले. स्पर्धेला प्रमुख उपस्थिती म्हणून राजापूर सभापती सौ. नंदिनी कदम, पंचायत समिती सौ. अपेक्षा मासये, सौ. सिद्धाली मोरे तसेच तळवडे गावचे सरपंच सौ.गायत्री साळवी, उपसरपंच- यशवंत साळवी, सामाजिक कार्यकर्ते संदिप बारस्कर, युवासेना नेते सुनिल गुरव, यांनी भेट देऊन खेळाडूंना शुभेच्छा दिल्या. तसेच अंतिम सामन्यास मोठ्या प्रमाणात क्रिकेटप्रेमींनी उपस्थिती लावली. स्पर्धेचे उत्कृष्ट नियोजन करण्यासाठी मंडळाचे सभासद अरविंद सावंत, सुहास कोलते, संदेश गुरव, गौरव खावडकर, किरण पळसमकर, प्रविण आंब्रस्कर, करण पराडकर, अमोल कोलते, यांनी विशेष परिश्रम घेतले. त्यांच्या मेहनतीमुळे स्पर्धा यशस्वीरीत्या पार पडली. स्पर्धा शांततेत आणि उत्साहपूर्ण वातावरणात पार पडल्याबद्दल जनकल्याण प्रतिष्ठान मंडळातर्फे सर्व सहभागी संघ, ग्रामस्थ, प्रेक्षक व सहकार्य करणाऱ्या सर्वांचे आभार मानण्यात आले.