*देवरे विद्यालयातील कार्तिका साळुंके जिल्हास्तरीय निबंध स्पर्धेत प्रथम*
नंदुरबार(प्रतिनिधी):-युवकमित्र परीवार, नंदुरबार आयोजित क्रांतीसुर्य महात्मा फुले व डॉ. बाबासाहेब आंबेडकर यांच्या संयुक्त जयंती व सामाजिक समता पर्व निमित्त आयोजित जिल्हास्तरीय निबंध स्पर्धेत आत्माराम धवळू देवरे माध्यमिक विद्यालय विखरण ता. नंदुरबार येथील  कु.कार्तिका अरविंद साळुंके हिने प्रथम क्रमांक पटकावला. सदर विद्यार्थिनीला ₹1101चा धनादेश, सन्मानचिन्ह, सन्मानपत्र व पुस्तके पारितोषिक स्वरूपात पारितोषिक वितरण सोहळ्यात प्राप्त होणार आहेत. सदर यशस्वीतेला विद्यालयातील उपशिक्षक सी.व्ही. नांद्रे, डी.बी. भारती, ए.एस.बेडसे
यांचे मार्गदर्शन लाभले. संस्थेचे अध्यक्ष राजेंद्र देवरे, शालेय समितीच्या अध्यक्षा शैलजा देवरे,‌ संस्थेचे पदाधिकारी, विद्यालयाचे मुख्याध्यापक डी. डी. साळुंके तसेच पंचक्रोशीतील पालकांकडून  कार्तिकाचे कौतुकासह अभिनंदन केले जात आहे.