*राजापूरातील कळसवली ग्रामपंचायत लय भारी, ऑनलाईन सुविधा आता नागरिकांच्या दारी*
राजापूर(प्रतिनिधी):-बदलत्या काळानुसार आता ग्रामपंचायतीचा कारभार हायटेक होत आहे काही ग्रामपंचायती मधील जागृक लोकप्रतिनिधी, ग्रामस्थ व नव्या दमाच्या ग्रामविकास अधिकाऱ्यांमुळे प्रगत प्रयोग राबविले जात आहेत. ग्रामपंचायतीचा कारभार पारदर्शक असावा याकरिता राजापूर तालुक्यातील कळसवली ग्रामपंचायतीने कर वसूलीसाठी पूर्णपणे ऑनलाईन सुविधा उपलब्ध करून दिली आहे. घरपट्टी आणि पाणीपट्टी भरण्यासाठी ऑनलाईन सेवा उपलब्ध करुन देणारी कळसवली ही राजापूर तालुक्यातील पहिली ग्रामपंचायत ठरली आहे. ग्रामपंचायतीच्या या प्रयोगाचे सर्वत्र कौतुक होत आहे गावात विविध लोकोपयोगी उपक्रम राबवून तालुक्यात आदर्शवत कामगिरी करणाऱ्या कळसवली ग्रामपंचायतीने आर. आर.पाटील सुंदर गाव स्पर्धेत जिल्हास्तरावर प्रथम क्रमांक पटकावला आहे. आणि आता ग्रामपंचायतीच्या वतीने ग्रामस्थांना क्यू आर कोड स्कॅन करुन घरपट्टी आणि पाणीपट्टी भरण्याची सुविधा उपलब्ध करुन देण्यात आली आहे. अशा पध्दतीने तंत्रज्ञानाचा पुरेपूर वापर करुन ऑनलाईन सुविधा देणारी कळसवली ही तालुक्यातील पहिली ग्रामपंचायत ठरली आहे क्यूआर कोडमुळे गावासह मुंबईत वास्तव्यास असणाऱ्या ग्रामस्थांना आर्थिक व्यवहार करणे सुलभ झाले आहे कळसवली ग्रामपंचायतीने प्रत्येक घराचे सर्वेक्षण करुन त्यांचे क्यूआर कोड तयार केले असून प्रत्येक घराच्या घरमालकाच्या नावावर क्यूआर कोडचा स्टीकर लावण्यात आला आहे.