*पेंडखळे येथील श्री ब्राम्हणदेव मंदिराच्या प्रथम वर्धापन दिनानिमित्त भव्य कार्यक्रम*
राजापूर(प्रतिनिधी):-श्री ब्राम्हणदेव जोगलेवाडी विकास मंडळ मुंबई,‌ ग्रामीण (रजि.) यांच्या वतीने श्री ब्राम्हणदेव मंदिराच्या प्रथम वर्धापन दिनानिमित्त  8 व 9 मे रोजी श्री सत्यनारायण महापूजा व विविध कार्यक्रमांचे आयोजन करण्यात आले आहे.8 मे 2026 रोजी दु.3 वा. अंगणवाडी मुलांसाठी चमचा गोटी, बटाटा शर्यत दु. 4 वाजल्यापासून 1 ली ते 4 पर्यंतच्या मुलांसाठी बादली मध्ये चेंडू फेकणे,चमचा गोटी, सायं 5 वा. इयत्ता 5 वी ते 10 वीपर्यंतच्या मुलांसाठी आणि 5.30 वाजता मुली, महिलांसाठी संगीत खुर्ची कार्यक्रम, सायं 6 वा. महिलांसाठी मेणबत्ती पेटवणे तसेच 7 वाजता अंगणवाडी ते 13 वी पर्यंतच्या मुलांचा गुणगौरव सोहळा संपन्न होणार आहे. शनिवार दि 9 मे रोजी स. 8 वा. श्री ब्राम्हणदेव अभिषेक सोहळा, 10 वा. श्री सत्यनारायण महापूजा, दु. 1 वा. महाप्रसाद, दु. 3 हळदीकुंकू समारंभ आणि महिलांसाठी लकी ड्रॉ, सायं 6 वा. स्पर्धेचे बक्षीस वितरण व पदवीधर मुलांचा सत्कार 7 वा. क्रिकेट स्पर्धेचे बक्षीस वितरण, 7.30 वा. पैठणी लकी ड्रॉ सोडत आणि रात्री 9.30 वाजता श्री सिद्धिविनायक नमन मंडळ भू (मधली वाडी) यांच्या बहुरंगी नमनाचा कार्यक्रम सादर होणार आहे. या कार्यक्रमाला आमदार किरण सामंत शिवसेना युवा नेत्या अपूर्वा सामंत, राजापूर पंचायत समिती सभापती सौ.नंदिनी कदम, तालुका प्रमुख‌ दिपक नांगरे, राजापूर लांजा साखरपा विधानसभा मुंबई संपर्क प्रमुख विश्वास राघव, राजेश हरिश्चंद्र गुरव  सदस्य पंचायत समिती राजापूर आदी मान्यवर उपस्थित राहणार आहेत श्री ब्राम्हणदेव मंदिराच्या प्रथम वर्धापन दिन सोहळ्याला सर्व भाविकांनी मोठ्या संख्येने उपस्थित रहावे असे आवाहन व्यवस्थापक श्री ब्राम्हणदेव जोगलेवाडी विकास मंडळ मुंबई, ग्रामीण आणि श्री ब्राम्हणदेव जोगलेवाडी महिला मंडळ यांनी केले आहे.