*आंबेडकरवादी लोकमंच नांदेडच्या वतीने भिम जयंती निमीत्त प्रबोधन महासभा*
नांदेड(प्रतिनिधी):-आंबेडकरवादी लोकमंच नांदेडतर्फे भारतीय संविधानाचे जनक डॉ. बाबासाहेब आंबेडकर यांचा 135 वा जयंती महोत्सव नांदेड शहरात येत्या रविवारी 26 एप्रिल 2026 रोजी मोठ्या उत्साहात साजरा करण्यात येणार आहे. यामध्ये सायंकाळी 4 वाजता शंकरराव चव्हाण सभागृहात धर्मनिरपेक्ष भारताचे भवितव्य या विषयावर मराठवाड्यातील जेष्ठ आंबेडकरवादी नेते सुरेश गायकवाड यांच्या अध्यक्षतेखाली प्रबोधन महासभा आयोजित करण्यात आली आहे. या महासभेस नांदेड जिल्ह्याचे खासदार रविंद्र चव्हाण तसेच लोहा कंधार तालुक्याचे आमदार  प्रतापराव पाटील चिखलीकर हे यावेळी प्रमुख अतिथी म्हणून उपस्थित राहणार आहेत. या महासभेत राजधानी दिल्ली येथील अशोक वानखेडे, मुंबईतील डॉ. आंबेडकर लॉ कॉलेजचे माजी प्राचार्य, बहुजन समाज पार्टीचे मुंबई कोकण क्षेत्राचे प्रभारी अॅड. जयमंगल धनराज, मुंबई येथील दिवाकर शेजवळ हे प्रमुख मार्गदर्शक म्हणून उपस्थित राहणार असल्याची माहिती आंबेडकरवादी लोकमंचचे महासचिव देविदास मनोहरे आणि पी.एस. गवळे यांनी या पत्रकाव्दारे दिली आहे. यंदाचे वर्ष हे महाडच्या चवदार तळ्याच्या समता संगराच्या शताब्दीचे आहे, तसेच महात्मा ज्योतीबा फुले यांच्या व्दिशताब्दीचे ही आहे त्यामुळे डॉ. बाबासाहेब आंबेडकर यांच्या जयंती महोत्सवात यावर्षी दलित- बहुजन समाजात मोठा जोश आणि चैतन्य संचारले आहे असे आंबेडकरवादी लोकमंचचे संस्थापक अध्यक्ष सुरेश गायकवाड यांनी सांगितले. यावेळी आंबेडकरवादी लोकमंचचे जनार्दन कवडे, नंदकुमार बनसोडे, प्रसेनजीत गायकवाड, अॅड. एम. जी. बादलगांवकर, बबीता पोटफोडे, बाळु कदम, भगवान गायकवाड आदी कार्यकर्ते उपस्थित होते.