*नंदुरबार शहरातील गुन्हेगार टोळीतील एकुण 9 इसम जिल्हयातुन 2 वर्षांसाठी हद्दपार, जिल्हा पोलीस अधीक्षक श्रवण दत्त. एस यांची महाराष्ट्र पोलीस अधिनियम 1951 चे कलम 55 अन्वये कारवाई*
नंदुरबार(प्रतिनिधी):-शहरातील कायदा व सुव्यवस्था अबाधित राखण्यासाठी व गुन्हेगारी प्रवृत्तींवर आळा घालण्यासाठी नंदुरबार पोलीसांनी विविध प्रकारचे गुन्हयात सहभागी असलेल्या एका टोळीवर महाराष्ट्र पोलीस अधिनियम 1951 चे कलम 55 अन्वये 2 वर्षांसाठी जिल्हयातुन हद्दपारची कारवाई केली आहे, नंदुरबार शहरातील चौधरी गल्ली परिसरातील गुन्हेगारी टोळीवर नंदुरबार शहर पोलीस ठाण्यात विविध गंभीर प्रकारचे गुन्हे दाखल असुन त्यामध्ये खुन करणे, जिवे ठार मारण्याचा (खुनाचा) प्रयत्न करणे, विनयभंग करणे, शारीरिक इजा पोहचवणे, गंभीर दुखापत करणे, संघटीत गुन्हेगारी कारवाया करणे, गैरकायदयाची मंडळी जमविणे, दंगा करणे, दादागिरी करणे, घरात अनधिकृतपणे प्रवेश करणे, मारहाण करणे, जुगार खेळणे व खेळविणे, बेकायदेशीर दारु कब्जात बाळगणे, परिसरातील शासकीय वाहनांवर दगडफेक करुन त्यांचे नुकसान करणे, बेकायदेशीर हत्यार कब्जात बाळगुन दहशत माजविणे, जिल्हाधिकारी, यांनी दिलेल्या मनाई आदेशांचे वारंवार उल्लंघन करणे, तसेच प्रतिबंधात्मक कारवायांचे उल्लंघन (ब्रीच ऑफ बॉन्ड) करणे असे अनेक गुन्हे दाखल असतांना देखील सदर टोळीमधील गुन्हेगारांनी त्यांचे गुन्हेगारी कृत्य सुरुच ठेवल्याने त्यांचेमुळे सर्वसाधारण जनतेच्या जिवीतास व मालमत्तेस गंभीर धोका निर्माण होऊन जनतेत भितीचे वातावरण निर्माण झ गाले आहे. त्यामुळे सदर गुन्हेगारी टोळीवर हद्दपार प्राधिकरण अधिकारी तथा जिल्हा पोलीस अधीक्षक श्रवण दत्त. एस यांनी त्यांचे विशेष अधिकाराचा वापर करुन शहरातील टोळी प्रमुख व इतर अशा खाली नमुद एकुण 9 आरोपीवर महाराष्ट्र पोलीस अधिनियम 1951 चे कलम 55 अन्वये 2 वर्षांसाठी हद्दपारची कारवाई केली आहे. हद्दपार टोळी विराज दिपक चौधरी, वय- 27 वर्षे, (टोळी प्रमुख), जयदीप रघुनाथ चौधरी, वय 31 वर्षे, (टोळी सदस्य), गोलु ऊर्फ योगेश रघुनाथ चौधरी, वय 29 वर्षे, (टोळी सदस्य), सिध्दार्थ राजेश शहा, वय 28 वर्षे, (टोळी सदस्य), लोकेश ऊर्फ लकी दिलीप चौधरी, वय 29 वर्षे (टोळी सदस्य), भैय्या ऊर्फ राकेश राजेंद्र चौधरी, वय 32 वर्षे, (टोळी सदस्य), चेतन दिलीप चौधरी, वय 28 वर्षे, (टोळी सदस्य), विजय ऊर्फ विक्की राजेंद्र चौधरी, वय 22 वर्षे, (टोळी सदस्य), मयुर ऊर्फ मॅरी मधुकर चौधरी, वय 22 वर्षे, (टोळी सदस्य) असे अ.क्र. 1 ते 9 सर्व राहणार चौधरी गल्ली, नंदुरबार ता.जि. नंदुरबार "जिल्हयातील गुन्हेगारांना जबर बसून जिल्हयातील कायदा व सुव्यवस्था अबाधित राखण्यासाठी व नागरिकांसाठी भयमुक्त वातावरण निर्माण होणेसाठी अशाप्रकारची कडक कारवाई पोलीस प्रशासनातर्फे करण्यात आली असून नागरिकांना कोणत्याही गुन्हेगारी हालचालींची माहिती असल्यास त्यांनी तात्काळ जवळच्या पोलीस ठाण्यात अथवा डायल 112 वर माहिती दयावी," असे आवाहन पोलीस प्रशासनाकडून यावेळी करण्यात आले आहे.