*भिकाजी गुरव यांच्या हस्ते शीळमध्ये साकवाचे भूमिपूजन*
राजापूर(प्रतिनिधी):-सर्वसाधारण जिल्हा वार्षिक योजना साकव विकास कार्यक्रमांतर्गत मंजूर झालेल्या शहरानजीकच्या शीळ शाळा नं 1 गोंडाळवाडी,भराडवाडी वहाळावर बौध्द वाडी मधली वाडी जोडणाऱ्या साकव कामाचे भूमिपूजन ग्रामस्थ भिकाजी गुरव यांच्या हस्ते करण्यात आले.
यावेळी प्रशासक अशोक पेडणेकर, ग्रा.पं सदस्य कृष्णा नागरेकर यांच्यासह नामदेव नागरेकर, गोपाळ गोंडाळ, शांताराम गोंडाळ, मधूकर सावंत, रघुनाथ भोवड आदी ग्रामस्थ उपस्थित होते. या कामी सन 2025 -26 या वार्षिक वर्षात साकव कार्यक्रमांतर्गत 50 लाखांचा निधी मंजूर झाला असल्याची माहिती प्रशासक तथा माजी सरपंच अशोक पेडणेकर यांनी दिली या साकवांमुळे ग्रामस्थांची पावसाळ्यात होणारी गैरसोय दूर होणार असल्याने ग्रामस्थांमधून समाधान व्यक्त होत आहे.