*प्रभावल्ली-लांजा येथील श्री गांगेश्वर मंदिराच्या 16 व्या वर्धापन दिनानिमित्त जत्रोत्सव*
राजापूर(प्रतिनिधी):-श्री गांगेश्वर देवालयाचा 16 वा वर्धापन दिन जत्रोत्सव दिनांक 4 मे ते 5 मे 2026 या कालावधीत उत्साहात साजरा करण्यात येणार आहे. या निमित्ताने विविध धार्मिक, सांस्कृतिक व सामाजिक कार्यक्रमांचे आयोजन करण्यात आले असून परिसरातील भाविकांनी मोठ्या संख्येने उपस्थित राहण्याचे आवाहन आयोजकांनी केले आहे. सोमवार, 5 मे रोजी सायंकाळी शैक्षणिक पातळीवरील मुलामुलींसाठी मैदानी स्पर्धा तसेच महिलांसाठी विशेष स्पर्धा व होममिनिस्टर कार्यक्रम होणार आहेत. मंगळवार, 5 मे रोजी सकाळी 7 वाजता श्री गांगेश्वर देवाचे लघुरुद्र अभिषेक, व 8 वाजता अभिषेक व 10 वाजता श्री सत्यनारायण पूजा संपन्न होईल. त्यानंतर महाप्रसादाचे आयोजन करण्यात आले आहे. दुपारी महिलांसाठी हळदीकुंकू समारंभ होईल. सायंकाळी श्रो. लक्ष्मी म्हकांळी प्रसादिक भजन मंडळ (प्रभानवली) तसेच बुवा सुनील जाधव, संगीत रत्न विलास बुवा पाटील यांचे शिष्य यांच्या मार्गदर्शनाखाली भजनाचा कार्यक्रम रंगणार आहे. यानंतर प्रभाववली गावचे सुपुत्र बुवा उमेश केशव बेर्डे यांचे भजन सादर होईल. यावेळी त्रिमूर्ती नाट्य नमन मंडळ कलामंच यांचा सामूहिक नृत्य व “छोट्या पेंदयाची कमाल ये धमाल" हा खास आकर्षणाचा कार्यक्रम सादर करण्यात येणार आहे. हा जत्रोत्सव श्री गांगेश्वर विश्वस्त मंडळाच्या वतीने आयोजित करण्यात आला असून अध्यक्ष राजेंद्र दाताराम बिजम, सचिव परेश लक्ष्मण बिजम व खजिनदार विजय भिकू बिजम यांनी सर्व भाविकांनी उपस्थित राहून कार्यक्रमाची शोभा वाढवावी, असे आवाहन केले आहे.