*18 एप्रिलला कुसुंब्यात कुंथुनाथ जन्मकल्याणक महामहोत्सव व 9 तपस्वी त्यागी  वृंदांचे आगमन*
कुसुंबा(प्रतिनिधी):-एक मुखी प्राचीन अतिशय क्षेत्र म्हणुन ओळखल्या जाणाऱ्या तालुक्यातील कुसुंबा येथील 1008 कुंथुनाथ  दिगंबर जैन अतिशय क्षेत्र अनेकांचे  श्रद्धास्थान असलेल्या क्षेत्रावर येत्या 18 एप्रिल शनिवार रोजी मंदिरातील मुख्य प्रतिमा( मुलनायक प्रतिमा)श्री 1008 कुंथुनाथ तीर्थंकर भगवान (जैन धर्मीयांचे 17 तीर्थंकर) यांचा जन्मकल्याणक तपकल्याणक तसेच मोक्षकल्याणक महोत्सव एकाच दिवशी येत असल्याने समाजबांधवानतर्फे धार्मिक कार्यक्रम मोठ्या उत्साहाने व मंगलमय वातावरणात संपन्न होणार आहेत. यावर्षी कुसुंबेकरांच्या सौभाग्याने या महोत्सवास दिगंबर महामुनीश्री आचार्य प.पु.108 सुविधीसागरजी मुनीश्री सहसंघ एकुण नऊ तपस्वी तीन मुनिश्री व सहा माताजी असे तपस्वी वृंदांचे त्याच दिवशी मांगीतुंगी सिद्धक्षेत्राकडून नगरात आगमन होणार आहे त्यांचेही समाज बांधवांतर्फे मोठ्या उत्साही वातावरणात भव्य स्वागत करण्यात येणार आहे, तसेच सवाद्य मिरवणूक काढण्यात येणार आहे. जन्मकल्याणक तपकल्याणक व मोक्ष कल्याणक महोत्सव साजरा होणार आहे. या कामी पार्श्वनाथ सेवा समिती विशेष दक्षता घेत आहे. अशी माहिती खान्देश प्राचीन जैन अतिशय क्षेत्राचे विश्वस्त व खान्देश जैन सतीश वसंतीलाल जैन यांनी दिली आहे.