*महात्मा फुले फाउंडेशनतर्फे वक्तृत्व स्पर्धेत विद्यार्थ्यांचा उत्स्फूर्त सहभाग*
नंदुरबार(प्रतिनिधी):-शहरातील महात्मा फुले फाउंडेशनतर्फे क्रांती जोती महात्मा ज्योतिराव फुले यांच्या 200 व्या जयंतीनिमित्त आयोजित वकृत्व स्पर्धेत विद्यार्थ्यांनी उत्स्फूर्त सहभाग घेतला. शालेय विद्यार्थ्यांनी महात्मा ज्योतिराव फुले यांच्या कार्याला उजाळा देत आपली व्यासपीठ धारिष्ट दाखविले. शहरातील श्री द्वारकाधीश मंदिराच्या सभागृहात झालेल्या वकृत्व स्पर्धेच्या अध्यक्षस्थानी सेवानिवृत्त विकास अधिकारी हिरालाल महाजन होते. तर प्रमुख पाहुणे म्हणून सेवानिवृत्त उपविभागीय अधिकारी संजय महाजन, सौ. दीपा महाजन, प्रा. डॉ. माधव कदम, विद्या सरोज हॉस्पिटलचे संचालक डॉ. स्वप्निल महाजन उपस्थित होते. प्रमुख मान्यवरांच्या हस्ते क्रांतीज्योती सावित्रीबाई फुले आणि ज्योतिबा फुले यांच्या प्रतिमेस पुष्प अर्पण  करण्यात आले.
सामाजिक संघटनात शिक्षणाशिवाय पर्याय नाही असे
मत मान्यवरांनी व्यक्त केले. इयत्ता पाचवी ते दहावी आणि महाविद्यालय अशा दोन गटात विद्यार्थ्यांनी वकृत्व  स्पर्धेत भाग घेतला. मराठी आणि इंग्रजी भाषेत विद्यार्थ्यांनी व्यासपीठावर महात्मा ज्योतिबा फुले यांच्या विचारांची उधळण केली. क्रांतीज्योती महात्मा ज्योतिराव फुले यांच्या कार्याला उजाळा देत विद्यार्थ्यांनी व्यासपीठ गाजविले.
कार्यक्रमाचे प्रास्ताविक संजय देवरे, सूत्रसंचालन नरेंद्र जाधव आणि  आभार अरुण महाजन यांनी मानले. महात्मा फुले फाउंडेशनचे कार्यकर्ते, मधुकर माळी, जगन माळी, रवींद्र माळी, पितांबर खैरनार, इंजिनीयर महाजन, वासुदेव माळी, कार्यकर्ते जी.डी. महाजन, शातीलाल महाजन, सुकलाल माळी यांनी परिश्रम घेतले.