*के. आर. पब्लिक स्कूल मध्ये महात्मा ज्योतिबा फुले यांची जयंती उत्साहात साजरी*
नंदुरबार(प्रतिनिधी):-श्री स्वामी समर्थ विद्यानिकेतन संचलित के. आर. पब्लिक स्कुल, ज्यु. कॉलेज मध्ये महात्मा ज्योतिबा फुले यांची जयंती मोठ्या उत्साहात साजरी करण्यात आली. कार्यक्रमाची सुरुवात फुले यांच्या प्रतिमेचे पूजन व पुष्पहार अर्पण करून करण्यात आली. या प्रसंगी शाळेतील विद्यार्थ्यांनी महात्मा फुले यांच्या जीवनकार्यावर भाषणे सादर केली. काही विद्यार्थ्यांनी त्यांच्या कार्यावर आधारित नाटिका व गीतांद्वारे समाजप्रबोधनाचा संदेश दिला. शिक्षकांनीही महात्मा फुले यांच्या शिक्षण, स्त्री-पुरुष समानता व समाजसुधारणेतील योगदानाबद्दल मार्गदर्शन केले.
कार्यक्रमाच्या अध्यक्षस्थानावर शाळेच्या प्राचार्या डॉ. छाया शर्मा उपस्थित होत्या. त्यांनी आपल्या भाषणात विद्यार्थ्यांना महात्मा फुले यांच्या विचारांचा आदर्श घेऊन समाजासाठी कार्य करण्याचे आवाहन केले. तसेच चेअरमन किशोर वाणी उपाध्यक्ष सिध्दार्थभाई वाणी यांनी जयंतीच्या शुभेच्छा दिल्या.