*जि.प. आदर्श शाळा वाकेड नं 1 चे शिक्षक वाघमारे यांना राज्यस्तरीय आदर्श शिक्षक पुरस्कार देण्यात आला*
लांजा(प्रतिनिधी):-शिक्षण क्षेत्रात उत्कृष्ट प्रेरणादायी व उल्लेखनीय कार्य करून विद्यार्थ्यांचा सर्वांगीण विकासासाठी योगदान दिल्याबद्दल बाळु संतराम वाघमारे यांना ध्येय एज्युकेशन फाउंडेशन महाराष्ट्र यांचा राज्यस्तरीय आदर्श शिक्षक पुरस्कार सन 2026 प्रदान करण्यात आला. ‌‌ध्येय एज्युकेशन राज्यस्तरीय आदर्श शिक्षक पुरस्कार वितरण सोहळा ग. दि. माडगूळकर सभागृह पुणे (निगडी) येथे पार पडला. वितरण सोहळ्यास ना. दादासाहेब भुसे (शिक्षण मंत्री महाराष्ट्र राज्य) शिक्षण क्षेत्रातील अनेक मान्यवर मंडळी तसेच एकनाथ वारे गुरुजी उपस्थित होते.
बाळू संतराम वाघमारे जि. प. आदर्श शाळा वाकेड नं. 1 ता.लांजा जि. रत्नागिरी येथे कार्यरत असून गेली 19 वर्षे ते शिक्षण क्षेत्रात कार्यरत आहेत. त्यांना हा पुरस्कार शिक्षण क्षेत्रातील सातत्यपूर्ण कार्य, विद्यार्थ्यांच्या सर्वांगीण प्रगतीसाठी केलेली अविरत धडपड, शैक्षणिक उपक्रमातील नाविन्यता, समाजातील प्रभावी योगदान, दरवर्षी नवोदय, शिष्यवृत्तीधारक विद्यार्थी घडवणे,  मंथन राज्यस्तरीय परीक्षेत तसेच विविध स्पर्धा परीक्षेत गुणवत्ताधारक विद्यार्थी घडविल्याबद्दल त्यांच्या कार्याची दखल घेत त्यांना हा पुरस्कार प्रदान करण्यात आला.