*हिंदी ऑलंपियाड परीक्षेत एकलव्य विद्यालयाचे यश*
नंदूरबार(प्रतिनिधी):-एकलव्य विद्यालय व ज. ग. नटावदकर कनिष्ठ महाविद्यालयात सिल्वर झोन फाउंडेशन नवी दिल्ली द्वारा आयोजित हिंदी ऑलंपियाड परीक्षेत मेडल प्राप्त विद्यार्थ्यांचा गुणगौरव करण्यात आला. या परीक्षेत एकूण 100 विद्यार्थी सहभागी झाले होते. त्यापैकी 16 विद्यार्थांनी यश संपादन केले. त्यात 6 सुवर्ण पदक, 5 रजत पदक व 5 कांस्य पदक आहेत.
या प्रसंगी विद्यालयाच्या माजी मुख्याध्यापिका सौ.सुहासिनी नटावदकर, मुख्याध्यापक धर्मेंद्र मराठे, उपमुख्याध्यापक गिरीश पवार,  पर्यवेक्षक टिका पाडवी, जेष्ठ शिक्षक  मिलिंद वडनगरे, वसंत वसईकर जकु गावीत, अनिल लोहार, विजया न्हायदे, अन्सार शेख, महेंद्र गिरासे, किरण डेहणकर उपस्थित होते. कार्यक्रमाचे सूत्रसंचालन महेंद्र गिरासे यांनी केले तर अन्सार शेख आभार मानले.