*पुणे ते राजापूर व्हाया लांजा एसटी पुन्हा सुरु करण्याची प्रवाशांची मागणी*
राजापूर(प्रतिनिधी):-महाराष्ट्र राज्य परिवहन महामंडळाने ज्येष्ठ नागरिकांसाठी सवलत जाहीर केली खरी पण त्याच बरोबर प्रवाशांच्या सोयी सुविधांकडे त्रास देणे गरजेचे आहे.  गेली जवळ-जवळ 50 ते 55 वर्षापासून चालू असलेली पुणे ते व्हाया लांजा मार्गे राजापूर ही  लालपरी महामंडळाने बंद केली दोन तीन वर्ष भांडून, सांगूनही  पुणे - राजापूर व्हाया लांजामार्गे जाणारी गाडी चालू केली नाही त्यामुळे लांजा तालुक्यातून पुण्यात नोकरी धंदया निमित्ताने स्थायिक असलेल्या नागरिकांना मनस्ताप सहन करावा लागतो अशी खंत लांजा तालुक्यातील मौजे कुर्णे गावातील ज्येष्ठ नागरिक मधुकर स. घडशी (वय 74) यांनी व्यक्त केली आहे. घडशी यांनी शिमग्यासाठी गावी जायचे म्हणून चौकशी केली असता सध्याची गाडी फक्त रात्रीची असून ती पालीवरून पावसमार्गे राजापूरला जाते. काखेत कळसा आणि गावाला वळसा अशी अवस्था आहे  नाईलाजास्तव पाली पर्यंत दि.24 फेब्रुवारीचे बुकींग केले. गाडी रात्री 8.30 वा. स्वारगेट वरून सुटली ती पालीला मध्यरात्री 3.30 वा. पोहोचली गाडीतून उतरलो तर असे वाटले की पालीत की स्मशान भूमीत आलो 10 ते 12 मोठी कुत्री फिरत होती दोघेही वयस्कर जीव मुठीत धरून एका कोपऱ्यात दबा धरून बसलो कसे बसे स्वच्छता गृहापर्यंत गेलो आणि आत पाहिले तर जिवंतपणी नरकयातना भोगाव्या अशी परिस्थिती होती केवळ फक्त महामंडळाच्या घाणेरड्या व्यवस्थापणामुळे आम्हा सारख्या ज्येष्ठ नागरिकांना त्रास सोसावा लागतो कोकणातील लोकप्रतिनिधींनी       याकडे लक्ष द्यायला हवे.  विरोधी पक्षाचे सुद्धा आमदार खासदार आहेत. त्यांनी तरी आम्हाला न्याय मिळवून द्यावा असे वाटते, सत्ता येते सत्ता जाते जर एस.टी महामंडळ एवढे मेटाकुटीला घायकुतीला आले असेल तर आम्ही, ज्येष्ठ नागरिक जरूर मदत करू आम्हाला अर्धे तिकिट नको पूर्ण तिकिट घ्या पण पुणे ते राजापूर व्हाया लाजा मार्गे गाडी चालू करा. एवढीच माफक मागणी करीत असल्याचे घडशी यांनी सांगितले खाजगी गाड्या भरपूर आहेत पण त्याचे भाडे आम्हाला परवडणारे नाही एस्. टी अधिकारी, आमदार, खासदार, आर.टी.ओ सर्व मिळून एसटी फायद्यात आणण्यासाठी प्रामाणिक पणे  प्रयत्न करावेत ज्येष्ठ नागरिकांना दिलासा द्यावा पुणे - राजापूर व्हाया लांजा एसटी सेवा पुन्हा सुरु केल्यास लांजा वासियांना त्याचा आर्थिक दृष्ट्या फायदा होईल महायुती सरकारने जेष्ठ नागरिकांना सवलती दिल्या त्याबद्दल आम्ही त्यांचे आभार मानतो पण जेष्ठ नागरिकांच्या मागण्यांचाही विचार करावा असे घडशी यांनी म्हटले आहे