*तळवडे गावचा सुपुत्र संकेत नेमण याची महाराष्ट्र पोलीस दलात निवड*
पाचल(प्रतिनिधी):-राजापूर तालुक्यातील तळवडे मोरेवाडी येथील जेष्ठ सामाजिक कार्यकर्ते चंद्रकांत लक्ष्मण नेमण यांचे सुपुत्र संकेत चंद्रकांत नेमण याची महाराष्ट्र पोलीस दलात निवड करण्यात आली आहे. जिद्द, चिकाटी आणि कठोर मेहनतीच्य जोरावर त्यांनी महाराष्ट्र पोलीस दलात स्थान मिळवले असून त्यानी मिळवलेल्या या यशाबद्दल संपूर्ण तळवडे गावातून त्याच्यावर अभिनंदनाचा वर्षाव होत आहे. संकेत नेमण याचे मूळ गाव तळवडे असून सध्या तो आपल्या आई वडीलांसोबत मालपाडोंगरी, अंधेरी येथे वास्तव्यास आहे. त्याचे शालेय शिक्षण  अंधेरी- मुंबई येथे झाले. मुंबई- मरोळ येथे पोलीस दलात भरती होऊन जालना येथे पोलीस प्रशिक्षण घेतले आणि त्याच्या शपथ विधीचा कार्यक्रम देखील त्याच ठिकाणी पार पडला. त्याने पोलीस दलात जाण्याचे स्वप्न उराशी बाळगले होते आणि ते पूर्ण करण्यासाठी कठोर परिश्रम, नियमित अभ्यास व शारीरिक तयारीच्या जोरावर पोलीस भरती प्रक्रियेत यश संपादन केले. संकेत नेमण याने शालेय जीवनापासून आपण पोलीस दलात भरती होऊन देशसेवा करण्याची इच्छा व्यक्त केली होती. या इच्छा शक्तीच्या जोरावर त्याने हे यश संपादन केले आहे. संकेत याने मिळवलेल्या यशाबद्दल तळवडे ग्रामस्थांनी आनंद व्यक्त करून त्याच्यावर अभिनंदनाचा वर्षाव केला आहे.