*हिंदी राष्ट्रभाषा परीक्षेत डी.आर. हायस्कूलचे घवघवीत यश*
नंदुरबार(प्रतिनिधी):-शहरातील श्रीमती डी. आर. हायस्कूलच्या विद्यार्थ्यांचे महाराष्ट्र राष्ट्रभाषा सभा पुणे अंतर्गत सप्टेंबर सत्रात होणाऱ्या हिंदी राष्ट्रभाषा बालबोधिनी, प्राथमिक, प्रवेशिका व सुबोध परीक्षेत 104 विद्यार्थी प्रविष्ट झाले होते. परीक्षेचा निकाल 100 टक्के लागला असून, 43 विद्यार्थ्यांनी विशेष प्रावीण्यासह उत्तीर्ण होऊन यश संपादन केले. यशस्वी विद्यार्थ्यांना मुख्याध्यापक मोहन अहिरराव, उपमुख्याध्यापक श्रीराम मोडक, पर्यवेक्षक हेमंत खैरनार व संजय सैंदाणे या मान्यवरांच्या हस्ते प्रमाणपत्र प्रदान करण्यात आले.
सर्व यशस्वी विद्यार्थ्यांना मार्गदर्शक म्हणून, हिंदी परीक्षा विभाग प्रमुख विशाल मच्छले, तसेच हिंदी शिक्षक सुहास वळवी, रवींद्र पाटील, निलेश ठाकरे, योगिता साळी, सुनीता बागुल, कमल चौरे, प्रशांत पाटील, निलेश गावित, प्रवीण शिवदे यांचे मार्गदर्शन लाभले.