*पूर्णवाद परिवारातर्फे उपासना शास्त्र या विषयावर अभ्यास शिबिर*
नंदुरबार(प्रतिनिधी):-येथील पूर्णवाद परिवारा तर्फे रविवार दि. 29 मार्च रोजी जगन्नाथ नगर, कन्यादान मंगल कार्यालयाच्या मागील बाजूस असलेल्या जीवन कला मंदिरात उपासना शास्त्र या विषयावर अभ्यास शिबिराचे आयोजन करण्यात आले आहे. पूर्णवादाचार्य परमपूज्य रामचंद्र महाराज पारनेरकर यांनी वेदांवर आधारित पूर्णवाद तत्त्वज्ञानाची मांडणी केली आहे. त्यानुसार प्रत्येक माणसाने आपले जीवन अध्यात्मिक, आदिभौतिक, आदीदैविक अशा विविध अंगांनी विकसित करावयाचे असते. त्यासाठी ज्ञान कर्म व उपासना या साधनांच्या आपल्या जीवनात अंगीकार करावयाच्या असतो. आपले जीवन सुख समाधान व आनंदाने जगता येते त्यासाठी हे उपासना शास्त्र विकसित केले आहे. या उपासना शास्त्रावरील अभ्यास शिबिराचे रविवारी 29 मार्च रोजी सकाळी दहा वाजता श्री क्षेत्र पारनेर येथील विश्व विद्या प्रतिष्ठानचे संचालक प्रा देविदास देशपांडे यांच्या शुभहस्ते उद्घाटन होईल. प्रा गुलजारसिंग राजपूत हे उद्घाटन सत्राचे अध्यक्ष असतील. पहिले सत्र अकरा वाजता उपासनेचे विज्ञान या विषयावर श्रीक्षेत्र पंढरपूर येथील डॉ पारनेरकर महाराज उपासना संस्थांचे अध्यक्ष रणजीतसिंग सिसोदिया हे मार्गदर्शन करतील.
दुसऱ्या सत्रात दुपारी बारा वाजता उपासना अंतरंग परिवर्तन साधना या विषयावर पुणे येथील पूर्णवादाचे ज्येष्ठ अभ्यासक साहित्यिक व कवी म्हणून प्रसिद्ध असलेले प्रशांत आडे हे मार्गदर्शन करतील. सायंकाळी सहा वाजून 30 मिनिटांनी तिसऱ्या सत्रात उपासनेची सिद्धी या विषयावर संभाजीनगर जीवन कला मंडळाचे कार्याध्यक्ष पूर्णोचार्य आनंद मुठाड अत्यंत अभ्यासपूर्ण भाषेत मार्गदर्शन करणार आहेत. अभ्यास शिबिराला उपस्थित राहण्याचे आवाहन नंदुरबार जीवन कला मंडळाचे अध्यक्ष सुरेश पाटील यांनी केले आहे.