*नंदुरबार येथील पुष्टीधाम हवेलीचा दहावा पाटोत्सव साजरा*
नंदुरबार(प्रतिनिधी):-येथील देसाईपुरा मधील पुष्टिधाम हवेलीचा दहावा पाटोत्सव सोमवारी उत्साहात साजरा करण्यात आला. देसाईपुरा परिसरातील पुष्टिधाम हवेली येथील मूर्ति प्राणप्रतिष्ठा दहा वर्षांपूर्वी युवा वैष्णवाचार्य व्रजराजकुमार यांच्या हस्ते करण्यात आली होती. गेल्या दहा वर्षात पुष्टि मार्गीय परंपरेनुसार आयोजित होणाऱ्या विविध मनोरथ दर्शनाचा लाभ शहरातील वैष्णव बांधवांना प्राप्त होत आहे. त्यामुळे पुष्टि धाम हवेली शहर आणि जिल्ह्यातील वैष्णव बांधवांच्या श्रद्धेचे केंद्रस्थान बनली आहे. सोमवारी मूर्ति प्राणप्रतिष्ठेला दहा वर्षं पुर्ण झाल्याच्या निमित्ताने हवेलीत विविध मनोरथ दर्शन आयोजित करण्यात आले होते. सोमवारी सकाळी दहा वाजता नंद महोत्सव दरम्यान श्री ठाकोरजी ना पाळण्यात विराजित करून लाड लडवण्यात आले. साडे अकरा वाजता राजभोग दर्शन च्या वेळेवर श्री ठाकोरजी ना फुलांनी सजवलेल्या बंगल्यात विराजित करून आरती करण्यात आली. सायंकाळी शयन दर्शन च्या वेळेवर देखील फुल बंगल्याचे दर्शन करण्यात आले होते. दिवस भर आयोजिलेल्या सर्व मनोरथ दर्शनाचे शहरातील वैष्णवांनी मोठ्या संख्येने उपस्थित राहुन लाभ घेतला.